ہوناور کے ماگوڈ میں لڑکی کا تعاقب کرنے والا ملزم بنگلوروسے گرفتار

Source: S.O. News Service | By I.G. Bhatkali | Published on 11th March 2018, 5:40 PM | ساحلی خبریں | ریاستی خبریں |

بھٹکل11مارچ (ایس ا ونیوز) ہوناور ماگوڈ علاقے کے کوڈی گدّے نامی دیہات میں ایک اسکولی لڑکی کا پیچھا کرنے اور اسے ہراساں کرنے والے ملزم کو پولیس نے بنگلورو سے گرفتار کرلیاہے۔

قارئین کو یاد ہوگا کہ دسمبر میں ہوناور اور مضافات میں جو فرقہ وارانہ فساد پھوٹ پڑا تھااس دوران۹ ویں جماعت میں زیرتعلیم ایک لڑکی نے دو نوجوانوں کی طرف سے اس پر چاقو سے حملہ کرنے کی من گھڑت کہانی سناکر ایک نئے فساد کو جنم دیا تھا۔مگرپولیس کی تحقیقات کے دوران لڑکی کی زبانی معلوم ہواتھا کہ اسی علاقے کا گنیش نائک (۲۲سال) نامی ایک نوجوان اسکول جاتے وقت اس لڑکی کا پیچھا کیا کرتاتھااور اسے اپنی کار یا بائک میں اسکول تک چھوڑنے کی پیش کش کیا کرتا تھا۔ گنیش کی اس ہراسانی سے گھبراکر لڑکی کچھ دنوں تک اسکول سے غیر حاضر رہی۔ اس دوران وہ امتحان بھی دے نہیں پائی۔ پھر اسکول جانے کے خوف سے اس نے اپنے ہاتھ پرخود ہی کانٹے چبھو کر زخم بنالینے کے بعد ایک دکان دار کے سامنے یہ کہانی سنائی کہ اسکول جاتے وقت دو لڑکوں نے اسے اغواکرنے کی کوشش کی اور اس پر چاقو سے حملہ کیا تھا جس میں سے ایک دبلا پتلا تھا اور دوسرا ڈاڑھی والاتھا۔دکان دار اور کچھ مقامی لوگوں نے دو مسلم نوجوانوں کو بائک پرگزرتے ہوئے اس طرف سے گزرتے ہوئے دیکھنے کا بھی دعویٰ کیا۔ اس طرح اسکولی لڑکی پر حملے کے لئے مسلم نوجوانوں پر شک ظاہر کیا گیااور پہلے سے کشیدہ ماحول اور نفرت کی جلتی آگ پر تیل ڈالنے کا کام کیاگیا۔

لڑکی سے تفتیش کے وقت گنیش نائک کے پیچھا کرنے کی کہانی معلوم ہونے کے بعد پولیس نے کیس درج کرلیا تھا اور اُس وقت سے  مفرور گنیش نائک کو تلاش کررہی تھی۔ بالآخرتحقیقاتی ٹیم نے بنگلورو میں اسے’پوکسو ایکٹ‘ کے تحت گرفتار کیا اور ہوناورکی عدالت میں پیش کیا، جہاں سے گنیش کو عدالتی حراست میں بھیجا گیا ہے۔

ایک نظر اس پر بھی

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

منگلورو میں تیز رفتار بس کی ٹکر سے ایک پولیس کانسٹیبل ہلاک

گورپور علاقے میں ایک تیز رفتار پرائیویٹ ایکسپریس بس کی ٹکر سے ایک پولیس کانسٹیبل ہلاک ہوگیا ہے جس کی شناخت دیوی نگر کے رہنے والے مہیش لمانی کے طور پر کی گئی ہے۔مہیش فی الحال شہر کے آئی جی دفتر میں فرائض انجام دے رہاتھا۔

گنگولی توحید انگلش میڈیم اسکول میں والدین و سرپرستوں کے ساتھ انتظامیہ کی نشست  کا انعقاد

اسکول کے تعلیمی اصول وضوابط، سالانہ امتحانات کی تیاری جیسے اہم تعلیمی سرگرمیوں سے والدین و سرپرستوں کو واقف کرانے کے لئے 16مارچ برو ز سنیچر  ٹھیک 30-10بجے اسکول کے وسیع ہال میں ایک اہم نشست کا انعقاد کیاگیا ۔

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بنگلورو کے تینوں پارلیمانی حلقوں میں ڈی سی پیز کی زیرنگرانی سخت بندوست لائسنس یافتہ 7؍ہزار ہتھیارات تحویل میں :پولیس کمشنر ٹی۔ سنیل کمار

پولیس کمشنر ٹی۔ سنیل کمار نے بتایا کہ بنگلور سنٹرل ،بنگلور نارتھ اور بنگلور ساؤتھ لوک سبھا حلقوں میں ہونے والے پارلیمانی انتخابات کے لئے ڈپٹی کمشنر آف پولیس (ڈی سی پی) سطح کے پولیس افسروں کی نگرانی میں پولیس کا سخت بندوبست کیاگیا ہے۔

کرناٹک میں انتخابات متحد ہوکر لڑنے کانگریس جے ڈی ایس کا فیصلہ 

اگلے لوک سبھا انتخابات کی تیاریوں کے درمیان کانگریس اور جے ڈی ایس کو مقامی سطحوں پر جن مشکلوں کاسامنا کرنا پڑرہاہے ان سے نپٹنے اور متحد ہوکر انتخابات لڑنے کے ساتھ ریاست میں زیادہ سے زیادہ سیٹوں پر کامیابی حاصل کرنے کے لیے آج کانگریس اور جے ڈی ایس قائدین کااعلیٰ سطحی اجلاس ہوا۔ ...

دھارواڑمیں زیر تعمیر عمارت گر گئی ، 2افراد ہلاک ، کئی زخمی 

دھارواڑ میں زیر تعمیر 5منزلہ عمارت بیٹھ گئی جس کے سبب 2افراد ہلاک اورکئی افراد کے زخمی ہونے کی اطلاع ملی ہے ۔ اس حادثے میں سلیم مکاندار (28)ہلاک ہوگئے ہیں ۔ دھارواڑ کے کمار میشورنگر میں زیر تعمیر کامپلکس گرگیا۔ ملبے کے نیچے دبے ہوئے افراد کو باہر نکالنے کے لیے محکمۂ پولیس ، فارئر ...