کاروار 14؍مئی (ایس او نیوز)ایس ایس ایل سی امتحانات برائے سال 2017 - 18کے نتائج جو سامنے آئے ہیں اس کے مطابق ضلع شمالی کینرا گزشتہ سال کے مقابلے میں ایک پائیدان نیچے آگیا ہے۔امسال ضلع کا اوسط 79.82فیصد رہا اور ریاست میں اس کا مقام گزشتہ سال کے چوتھے نمبر سے گھٹ کر پانچویں نمبر پر چلا گیا ۔ 

ایک رپورٹ کے مطابق امسال ضلع شمالی کینرا سے جملہ 7964طلبہ نے ایس ایس ایل سی کے امتحان میں شرکت کی۔ ان میں سے 7794طلبہ نے کامیابی حاصل کی۔جس میں طالبات نے83.44%کے ساتھ بازی ماری ہے۔اور کُل 13اسکولوں نے صد فی صد کامیابی درج کی ہے۔کاروار تعلیمی ضلع میں ہوناور تعلقہ 84.44فیصد کے ساتھ پہلے نمبر پر ہے جبکہ کاروار تعلقہ 80.24فیصد کے ساتھ دوسرے نمبر پر آگیا ہے۔تیسرے مقام پر بھٹکل تعلقہ ہے جس نے 79.2فیصد مارکس سے کامیابی درج کی ہے۔چوتھے مقام پر 77.7فیصد مارکس کے ساتھ انکولہ تعلقہ کا نمبر ہے۔
جن 13ہائی اسکولوں نے صد فی صد کامیابی کا ریکارڈ قائم کیا ہے اس میں کاروار کے3، کمٹہ کے 4، ہوناور کے 5اور بھٹکل کا 1ہائی اسکول شامل ہے۔