کمٹہ 24/جون (ایس او نیوز)ضلع اُترکنڑا کے  کمٹہ میں ایک تیز رفتار کار ۔ پولس کرین سےٹکراگئی جس کے نتیجے میں کار پر سوار ایک خاتون موقع پر ہی جاں بحق ہوگئی، جبکہ کار پرسوارتین لوگوں کو شدید چوٹیں آئی ہیں۔ حادثہ آج اتوار صبح کمٹہ تعلقہ کے  دیوگی پنچایت حدود کے  تندراکولی نیشنل ہائی وے 66 پر پیش آیا۔

ذرائع سے ملی اطلاع کے مطابق i20 کار پر سوارپڑوسی ریاست کیرالہ کے کنّور کی یہ  فیملی گوا جارہی تھی جس کے دوران یہ حادثہ پیش آیا۔ 

مہلوک کی شناخت آسیہ (45) کی حیثیت سے کی گئی ہے جس کے سر کو شدید چوٹ لگنے کی وجہ سے اُس نے موقع پر ہی دم توڑ دیا۔ دیگر زخمیوں کی شناخت شمیرا، اظہر اور منصور کی حیثیت سے کی گئی ہے۔ 

حادثے کی اطلاع ملتے ہی کمٹہ پولس کے اہلکار موقع پرپہنچے اور زخمیوں کو فوری طور پر کمٹہ سرکاری اسپتال منتقل کیا، جہاں سے تینوں زخمیوں کو اُڈپی منتقل کیا گیا ہے۔

کمٹہ پولس تھانہ میں معاملہ درج کیا گیا ہے۔