کرناٹک کے وزیراعلیٰ سدرامیا کا دبئی دورہ؛ غیر رہائشی کنڑیگاس کو حکومت کی جانب سے خصوصی شناختی کارڈ فراہم کرنے کا وعدہ

Source: S.O. News Service | By I.G. Bhatkali | Published on 29th April 2017, 8:11 PM | ریاستی خبریں | خلیجی خبریں |

دبئی  29؍اپریل (ایس او نیوز) کرناٹک کے وزیر اعلیٰ سدارامیا جو  جمعرات کی شام کو دبئی پہنچے تھے، جمعہ کو کرناٹکا این آرآئی کمیٹی یو اے ائ کا افتتاح کرتے ہوئے اعلان کیا کہ  غیر رہائشی کنڑیگاس(این آر کے) کو کرناٹکا حکومت کی طرف سے خصوصی شناختی کارڈ دئے جائیں گے۔  انڈین ایمبیسی دبئی  کے ہال میں منعقدہ  افتتاحی تقریب  وزیرا علیٰ نے  کہا کہ خلیجی ممالک کے علاوہ دنیا کے دیگر حصوں میں بسے ہوئے تمام کنڑیگاس کے مسائل اور مطالبات پر حکومت کرناٹکا سنجیدگی کے ساتھ توجہ دے رہی ہے، او ر انہیں حل کرنے کے لئے کوشاں ہے۔اس کے لئے ایک خصوصی پالیسی بنائی گئی ہے ۔اس کے علاوہ ہر ضلع میں ڈپٹی کمشنر کی قیادت میں ایک کمیٹی بھی تشکیل دی گئی ہے۔

انہوں نے مزید کہا کہ غیر ممالک میں رہتے ہوئے زندگی میں اہم خدمات انجام دینے والوں کو پہچان کر ہر سال "ورشدا کنڑیگا" (کنڑیگا آف دی ایئر) نامی ایوارڈ سے سرفراز کیا جائے گا، جس سے دوسرے افراد کو آگے بڑھنے کی ترغیب ملے گی۔ سدارامیا کا کہناتھا کہ کرناٹکا صوفی سنتوں کی ریاست ہے اوریہاں کے عوام سیکیولر سوچ کو اہمیت دیتے ہیں، اس لئے یہاں پر فرقہ وارانہ فسادات نہیں ہوتے۔لہٰذا ہمیں کرناٹک کی ثقافت، زبان اور روایات کو نہیں بھولنا چاہیے۔

اجلاس میں مہمان خصوصی کے طور پر دبئی قونصل جنرل وپھُل،وزیرغذا کرناٹکا جناب یو ٹی قادر، غیر رہائشی بھارتی کرناٹکا کمیٹی کی اعزازی نائب صدر ڈاکٹر آرتی کرشنا،کمیٹی کے اعزازی صدر اور مشہور بزنس مین ڈاکٹر بی آر شیٹی، جنرل سکریٹری پربھاکر امبل تیرے وغیرہ اسٹیج پر موجودتھے۔ اس موقع پر مختلف اداروں کے سربراہ اور بھٹکل کی مایۂ ناز شخصیت ڈاکٹر ایس ایم  سید خلیل الرحمن، منڈیا کے ظفراللہ خان، ڈاکٹر بی کے یوسف، ایم ایل اے محی الدین باوا، سدارامیا کے فرزند ڈاکٹر ایتیندرا، حکومت کرناٹکا کے چیف سکریٹری ایل کے عتیق، پارلیمانی سکریٹری گووند راج، آفیسر آن اسپیشل ڈیوٹی مرزا مہدی وغیرہ کی تہنیت اور عزت افزائی کی گئی۔اجلاس سے پہلے ننھے منے بچوں کی طرف سے ثقافتی پروگرام پیش کیا گیا۔ اجلاس کی نظامت گنیش رائے نے انجام دی۔

سنیچر کی صبح  حسب پروگرام وزیراعلیٰ سدرامیا ابوظبی  میں تعمیر عالمی شہرت یافتہ مسجد شیخ زائد النہیان کا دورہ کیا اور مسجد کی خوبصورتی اور اس کی سجائوٹ وغیرہ کو دیکھ کر بے حد متاثر ہوئے۔ اس موقع پر بھی کافی کنڑیگاس کے لیڈران موجود تھے۔

ایک نظر اس پر بھی

ساحلی کرناٹک: سمندری لہروں میں اچانک اچھال۔الال اورآس پاس کے علاقے متاثر۔ گھروں میں گھس آیا سمندرکا پانی۔ایک لڑکا ہوگیا غرقاب

پچھلے کچھ دنوں سے بدلتے ہوئے موسم اور بحیرۂ عرب میں ہوا کے گھٹتے ہوئے دباؤ کی وجہ سے 22اپریل کی دوپہر سے ہی سمندر کی لہروں میں اچانک غیر معمولی اچھال پیدا ہوگیا جس سے ساحلی علاقوں میں سُنامی جیسی خوف و دہشت کا عالم دکھائی دیا۔ 

کانگریس کی دوسری فہرست جاری۔بادامی سے بھی سدارامیاامیدوار، رائچور سے سید یاسین اورشانتی نگر سے حارث کی سیٹ محفوظ

ریاست میں اسمبلی انتخابات کے لئے مختلف سیاسی پارٹیوں کی جانب سے پرچۂ نامزدگی داخل کرنے کا سلسلہ جاری ہے ۔کانگریس پارٹی کی جانب سے جاری آخری حتمی فہرست نے جہاں وزیراعلیٰ سدارامیاکو بادامی اسمبلی حلقہ سے بی فارم جاری کیاہے

بنگلور میں اے پی سی آر کی جانب سے قانونی جانکاری کا اہم پروگرام؛ ریاست بھر کے ذمہ داران کی شرکت؛ اے پی سی آر اب لوگوں کی اُمید بن گئی ہے؛ یوسف کنّی کا پرزور خطاب

ریاست کرناٹک میں اسمبلی انتخابات کے پیش نظراسوسی ایشن فار پروٹکشن آف سول رائٹس (اے پی سی آر) کرناٹکا چاپٹر کے زیر اہتمام 22اپریل بروز اتوار کو ضلعی ذمہ داران کا ایک اہم پروگرام بفٹ ہال، دارلسلام بنگلورمیں منعقد کیاگیا جس میں ریاست بھر کے ذمہ داران نے شرکت کرتے ہوئے اپنے اپنے ...

بحرین : 24 شیعہ افراد کو دہشت گرد گروپ تشکیل دینے پر جیل کی سزائیں ، شہریت منسوخ

بحرین میں ایک عدالت نے 24 شیعہ افراد کو ایک دہشت گرد گروپ تشکیل دینے اور تخریبی سرگرمیوں میں ملوث ہونے کے الزامات میں قصور وار قرار دے کر مختلف مدت کی قید کی سزائیں سنائی ہے اور ان تمام کی بحرین کی شہریت منسوخ کردی ہے۔

عسیر میں چیک پوسٹ پر فائرنگ سے چار سعودی سیکیورٹی اہلکار شہید

سعودی عرب میں علاقے عسیر میں چیک پوسٹ پر فائرنگ کے نتیجے میں چار سکیورٹی اہلکار شہید اور متعدد زخمی ہو گئے ہیں۔ حملے کے وقت پانچ اہلکار ڈیوٹی انجام دے رہے تھے۔ فائرنگ سے تین اہلکار موقع پر جبکہ چوتھا ہسپتال منتقلی کے دوران جام شہادت نوش کر گیا۔

سعودی سیکیورٹی اہلکاروں کو شہید کرنے والا مجرم کون تھا 

سعودی عرب کے صوبے عسیر میں جمعرات کے روز ایک چیک پوسٹ پر فائرنگ کے واقعے میں چار سکیورٹی اہل کار شہید اور متعدد زخمی ہو گئے۔ اس مجرمانہ کارروائی میں شریک افراد میں 34 سالہ بندر الشہری بھی شامل تھا جو سعودی شہری دفاع کا اہل کار تھا۔ الشہری سکیورٹی فورسز کی جوابی فائرنگ کے نتیجے ...