چنتامنی کے جگمشن ہلی گاؤں میں خصوصی گرام سبھا؛ دیہی علاقوں کے عوام کو اپنی صحت کا خاص خیال رکھنے نوڈل آفیسر رمیش کی ہدایت
چنتامنی:25 نومبر(سید اسلم پاشاہ؍ایس او نیوز) اکثر دیہی علاقوں کے عوام صحت خراب ہوجانے پر بھی اسپتال کا رُخ نہیں کرتے اس لئے دیہی علاقوں کے عوام عمدہ اشیاء اور صا ف پانی کو استعمال کرنے کے بائوجود اپنی صحت کو تندرست رکھ پاتے، دیہی علاقوں کے کسانوں اور عوام کے لئے ضروری ہے کہ وہ اپنی صحت کا بہت زیادہ خیال رکھیں، یہ بات چنتامنی کے نوڈل آفیسر رمیش نے کہی ۔
آج تعلق کے جگمشن ہلی گاؤں میں منعقد خصوصی گرام سبھامیں خطاب کرتے ہوئے انہوں نے کہا کہ خشکی کے سبب زمینی سطح میں پاک پانی ملنا مشکل ہوتا جارہا ہے ہزاروں فٹ گہرائی میں ملنے والے پانی میں فلورائڈ کی مقدار پائی جارہیہے اس پانی کے استعمال سے لوگوں کے بیماریوں میں مبتلا ہونے کے امکانات ہوتے ہیں انہوں نے کہا کہ صحت بہت بڑی نعمت ہے صحت مند رہیگا تو انسان قوم وملت کی خدمت کرسکے گا، صحت کے تعلق سے لاپرواہی برتنا ٹھیک نہیں ہے۔
گرام پنچایت رُکن دیوراج نے بھی خطاب کرتے ہوئے کہا کہ کسان گرام پنچایتوں کو حکومتوں سے ملنے والے اسکیموں سے بھرپور فائدہ حاصل کرنے کے لئے بڑھ چڑھ کر سامنے آئے۔موصوف نے کہاکہ دیہی علاقوں کی مزید ترقی کیلئے مرکزی حکومت سے فنڈ فراہم کیاگیا ہے چنتامنی حلقہ کے کئی قریوں میں بیت الخلاء نہ ہونے سے عوام کو پریشانیوں سے دوچار ہونا پڑرہا ہے۔
اس موقع پر گرام پنچایت کے نائب صدر ایم اے نارائن سوامی منی نارائنپا گرام پنچایت رُکن سپریا وجیا لکشمی جے وی سبا ریڈی ایس کے بھاگیہ اماّ کرشنپا ناگراج سمیت کئی سرکاری افسران وغیرہ موجود رہے ۔