فہرست رائے دہندگان پر نظر ثانی کا سلسلہ جاری،کالجوں میں ناموں کے اندراج کیلئے خصوصی مہم:بی بی ایم پی کمشنر

Source: S.O. News Service | By Shahid Mukhtesar | Published on 16th July 2017, 11:23 AM | ریاستی خبریں |

بنگلورو،15؍ جولائی(ایس او نیوز) الیکشن کمیشن کی طرف سے شہر بنگلور میں بی بی ایم پی کی حدود کے تحت فہرست رائے دہندگان پر نظر ثانی کا سلسلہ تیزی سے جاری ہے۔ یکم جولائی سے شروع ہوا یہ سلسلہ 31جولائی تک جاری رہے گا۔اس مہم کے دوران یکم جنوری 2017کو 18 سال مکمل کرنے والے نوجوان فہرست میں اپنا نام درج کرواسکتے ہیں۔اس کے ساتھ ہی فہرست سے متوفی افراد کے ناموں کا اخراج ، نام اور پتوں میں ترمیم وغیرہ بھی کرائی جارہی ہے۔ بی بی ایم پی کمشنر منجوناتھ پرساد نے اپنے ایک اخباری بیان میں کہاکہ شہر میں جو فہرست رائے دہندگان فی الوقت موجود ہے اس میں 18 اور 19سال کے درمیان کے ووٹروں کی تعداد بہت کم ہے، بی بی ایم پی کی طرف سے کالجوں میں خصوصی مہم چلائی جائے گی اور یہاں ان طلبا کو فہرست رائے دہندگان میں شامل کیاجائے گا جو 18سال کے ہوچکے ہیں ، شہر کے ہر کالج میں انتخابی عملہ روانہ کیاجائے گا۔ انہوں نے کہاکہ شہر کے 28 اسمبلی حلقوں میں 2015-16 کے درمیان جتنے بھی ووٹر فوت ہوچکے ہیں، ان کے نام فہرست رائے دہندگان سے ہٹائے نہیں گئے ہیں، بی بی ایم پی نے اپنے طور پر ایسے 65 ہزار سے زائد ناموں کی نشاندہی کی ہے۔ انہوں نے کہاکہ شہر میں فی الوقت ووٹروں کی تعداد 8497192 ہے، جن میں 4461725 مرد اور 4035467 خواتین ہیں۔ شہر کے مہادیو پورہ اسمبلی حلقہ میں بڑی تعداد میں بنگلہ دیشی باشندوں کو فہرست رائے دہندگان میں شامل کئے جانے کی شکایت پر منجوناتھ پرساد نے کہاکہ جوائنٹ کمشنر بی بی ایم پی ان الزامات کی جانچ کررہے ہیں ، جانچ کے بعد ثابت ہوجائے کہ بنگلہ دیشی باشندے فہرست رائے دہندگان میں شامل ہوچکے ہیں تو ان کے نام ہٹائے جائیں گے اور ان کے خلاف قانونی کارروائی بھی کی جائے گی۔

ایک نظر اس پر بھی

کرناٹک کے اراکین پارلیمان کو آئی فون کا تحفہ دینے پر وزیر تنازعے میں گھِر گئے؛ بی جے پی نے کی مخالفت ؛راہل گاندھی نے طلب کیا جواب

وزیر آبی وسائل ڈی کے شیوکمار کی طرف سے ریاست کے سبھی اراکین پارلیمان کو تحفے میں قیمتی آئی فون دینے کا معاملہ تنازعے کے گھیرے میں آگیا ہے۔ ہر طرف سے وزیر موصوف کے اس اقدام کی مذمت کی جارہی ہے ، یہاں تک کہ وزیر اعلیٰ کمار سوامی اور کانگریس اعلیٰ کمان نے بھی وزیر موصوف کے اس اقدام ...

کمار سوامی کی آنسو پر سیاست جاری، کانگریس نے ایسا کچھ نہیں کیا کہ کمار سوامی کو آنسو بہانا پڑے:کرشنا بائرے گوڈا

وزیر اعلیٰ ایچ ڈی کمار سوامی کی طرف سے ایک جلسۂ عام میں آنسو بہانے کے معاملے پر سیاست رکنے کا نام نہیں لے رہی ہے۔آج ریاستی وزیر برائے دیہی ترقیات کرشنا بائرے گوڈا نے وزیر اعلیٰ کی اس حرکت پر ردعمل ظاہر کرتے ہوئے کہا کہ وزیراعلیٰ کمار سوامی کو آنسو بہانے کی نوبت آئے اس کے لئے ...

فطری اعتبار سے میں جذباتی ہوں : کمار سوامی

وزیر اعلیٰ ایچ ڈی کمار سوامی نے کہا ہے کہ سرکاری فیصلے لینے میں وہ جتنے سخت ہیں کسی کا دکھ دیکھنے پر وہ اتنے ہی جذباتی ہوجاتے ہیں۔ آج دہلی میں اخبار ی نمائندوں سے بات چیت کرتے ہوئے کمار سوامی نے کہاکہ ان کی فطرت جذباتی ہے اس کے لئے وہ کچھ نہیں کرسکتے۔ ریاستی عوام کی مشکلات ان سے ...

شہر میں عازمین حج کے لئے یک روزہ تربیتی کیمپ کا اہتمام، سفر حج میں رضائے الہٰی کو مقدم رکھیں: روشن بیگ

ریاستی حج کمیٹی کے ذریعے امسال سفر حج بیت اﷲ پر روانہ ہونے والے عازمین حج کے لئے آج بنگلور پیالیس کے ٹینس پویلین میں یک روزہ حج تربیتی کیمپ کا اہتمام کیاگیا۔رکن اسمبلی اور ریاستی حج کمیٹی کے چیرمین جناب روشن بیگ نے اس موقع پر عازمین حج سے مخاطب ہوکر انہیں سفر حج بیت اﷲ پر ...

مفت بس پاس کی فراہمی کا فیصلہ جلد: وزیر تعلیمات، تعلیمی مافیا ملک کے تعلیمی نظام پر حاوی : روشن بیگ

ریاستی وزیر برائے بنیادی وثانوی تعلیمات این مہیش نے اعلان کیا ہے کہ طلبا کو مفت بس پاسوں کی فراہمی کے لئے محکمۂ تعلیمات کی طرف سے 25 فیصد رقم فراہم کی جائے گی۔آج وسنت نگر میں محکمۂ تعلیمات بنگلور ضلعی انتظامیہ اور روٹری بنگلور آرکٹ کی جانب سے سرکاری کنڑا اور تمل اسکول کی نئی ...

وزیراعلیٰ خوش رہیں تو عوام بھی خوش رہیں گے: ڈی کے شیوکمار

ریاستی و زیر برائے آبی وسائل ڈی کے شیوکمار نے کہاہے کہ وزیراعلیٰ اگر خوش رہے تو ریاست بھی خوش رہے گی۔اسی لئے سب کو یہ کوشش کرنی چاہئے کہ وزیر اعلیٰ کو خوش رکھیں اور ریاست کا انتظامیہ چلانے میں ان کا ساتھ دیں۔ وزیر اعلیٰ کمارسوامی کی طرف سے آنسوبہائے جانے پر اپنا ردعمل ظاہر کرتے ...