کرناٹک کے فوجی ایچ گرو کی بیوہ کلاوتی نے کہاپلوامہ کے شہیدوں کی روح کو اب سکون ملا
بنگلورو،27؍فروری(ایس او نیوز)پاکستان میں دہشت گرد جیش محمدکے ٹھکانوں پرآج کئے جانے والے ہندوستانی فضائیہ حملہ پر پلوامہ حملہ میں شہید ہونے والے کرناٹک کے فوجی ایچ گرو کی بیوہ کلاوتی نے کہا کہ ہندوستانی فضائیہ کے ان حملوں سے شہید فوجیوں کی روح کو سکون ملا ہے ۔شوہرایچ گرو سی آر پی ایف کے ان 40جوانوں میں شامل ہیں جو 14فروری کو پلوامہ میں خود کش دہشت گردانہ حملہ میں شہید ہوگئے تھے۔ کلاوتی نے کہا کہ فوجی جوانوں کا انتقام لینے والے ہندوستانی فضائیہ پرانہیں فخر ہے ۔ اپنی آنکھوں میںآنسو لےئے کلاوتی نے نامہ نگاروں کوبتایا کہ ان کی کار کردگی کے لئے میں ہندوستانی فضائیہ کوسلام کرتی ہوں۔دہشت گردوں کے خلاف اس کارروائی پر میں بہت خوش ہوں۔ گرو کے باپ ہونیا نے کہا کہ اب وقت آگیا ہے کہ ہندوستان کے مخالفین کا مکمل طور پر صفایا کردیا جائے ۔ انہوں نے کہا کہ ہم ہمیشہ امن کی تائید کرتے رہے ہیں ۔ لیکن امن سے اب مسئلہ حل نہیں ہوگا۔