اعظم گڑھ، 23/فروری(ایس او نیوز/آئی این ایس انڈیا) مرکزی وزیر داخلہ راج ناتھ سنگھ نے اترپردیش کی بدحالی کے لئے ایس پی اور بی ایس پی کی حکومتوں کو ذمہ دار قرار دیتے ہوئے آج کہا کہ سائیکل اب کھٹارا ہو چکی ہے جبکہ ہاتھی بوڑھا ہو چلا ہے۔راج ناتھ نے الزام لگایاکہ ایس پی، بی ایس پی اور کانگریس نے یوپی کو کیچڑ میں دھکیل دیا ہے اور اس کیچڑ میں کمل کھلانے کے لئے بی جے پی کو مضبوط بنانے کی ضرورت ہے۔ریاست میں ایس پی، بی ایس پی اور بی جے پی کی حکومتیں رہی ہیں لیکن ایس پی اور بی ایس پی کے وزیر اعلی سے لے کر وزراء پر بدعنوانی کے الزام لگے لیکن بی جے پی کے کسی بھی وزیر اور وزیر اعلی پر بدعنوانی کا ایک بھی الزام نہیں لگا۔انہوں نے کہاکہ وزیر اعلی اکھلیش یادو کہتے ہیں کہ کام بولتا ہے لیکن ان کو سمجھ نہیں ہے کہ کام بولتا نہیں بلکہ لگتا ہے،ریاست میں سائیکل کھٹارا ہو چکی ہے اور ہاتھی بوڑھا ہو گیا ہے ... اکھلیش کی دلیل ہے کہ مجھے چچا اور والد صاحب نے کام نہیں کرنے دیا لیکن پھر بھی کہتے ہیں کہ کام بولتا ہے، یعنی چت بھی میری اور پٹ بھی میری۔
کانگریس پر حملہ بولتے ہوئے راج ناتھ نے کہا کہ پہلی بار کانگریس کے ایک نوجوان نے مہینوں کھاٹ سبھا کی۔کھاٹ سبھا کے ذریعے ریاستی حکومت پر حملہ بولا لیکن آج وہی دونوں ایک ساتھ ہیں۔ انہیں بھی سمجھ نہیں ہے کہ کھاٹ سونے کے لئے ہوتی ہے، سبھاکر کے لئے نہیں۔وزیر داخلہ نے دعوی کیا کہ مودی حکومت میں مسلسل ترقی کے کام ہو رہے ہیں، ٹھیک اسی طرح جیسا سابق وزیر اعظم اٹل بہاری واجپئی کی حکومت کے وقت میں ہوئے ہیں۔ آج بی جے پی حکومت والی ریاستوں میں کسانوں کا سود مکمل طور معاف ہے، اگرریاست میں بی جے پی کی حکومت بنی تو کسانوں کے قرض معاف کئے جائیں گے اور صفر سود پر انہیں لون مہیا کرایا جائے گا۔
مرکز کی کامیابیاں گناتے ہوئے انہوں نے کہا کہ سرجیکل اسٹرائک ایک اہم قدم تھا، ہم سب پڑوسی ممالک سے اچھے اور بہتر تعلقات چاہتے ہیں اس لئے ہم نے مودی حکومت کے حلف کے دن تمام پڑوسی ممالک کے نمائندوں شو کو مدعو کیا تھا۔پاکستان کے نواز شریف کو بھی بلایا تھا۔ راج ناتھ نے کہا کہ شریف کو صرف ہاتھ ملانے کے لئے نہیں بلکہ دل ملانے کے لئے بلایا تھا لیکن ان کو (شریف) پتہ نہیں کیا ہو گیا ہے۔انہوں نے کہا کہ اب ہم نے فوج کے حکام سے کہہ دیا ہے کہ پہلے ہم جنگ بندی کی خلاف ورزی نہیں کریں گے یعنی ایک بھی گولی نہیں چلائیں گے لیکن اگر ادھر سے ایک بھی گولی چلی تو پھر ادھر سے گولیاں نہیں گنی جانی چاہئے، ہم کسی کو چھیڑتے نہیں لیکن اگر کوئی ہمیں چھیڑتا ہے تو ہم اسے چھوڑتے نہیں۔راج ناتھ نے کہا کہ لوگ معاشرے کو توڑنے والے لوگوں کو ووٹ نہ دیں بلکہ سماج کو جوڑنے والوں کو ووٹ دیں۔ بی جے پی کبھی بھی معاشرے کو توڑ کر نہیں بلکہ معاشرے کو جوڑ کر ووٹ مانگتی ہے۔