مہاشیوراتری کے موقع پر پاکستان کے کٹاس راج مندر میں سونیا گاندھی اور پرینکا کی طرف سے پوجا
نئی دہلی،24فروری(ایس او نیوز/آئی این ایس انڈیا)کانگریس صدر سونیا گاندھی اور ان کی بیٹی پرینکا گاندھی واڈرا نے پاکستان کے کٹاس راج شیو مندر میں مہاشیوراتری کی پوجاکے لئے سامان بھیجا ہے۔مہاشیوراتری کے موقع پر سونیا اور پرینکا کی طرف سے پاکستان کے کٹاس راج مندر میں شیو جی کا ابھیشیک ہوگا۔ہریدوار کی سناتن دھرم ادارے کا پانچ لوگوں کا دستہ سونیا اور پرینکا سے مل کرپوجااشیاء لے گیا ہے،ہر سال مہاشیوراتری پر پاکستان کے قدیم کٹاس راج شیو مندر میں سونیا پوجاکی اشیاء بھیجتی ہیں۔کٹاس راج پاکستان میں واقع پنجاب کے شمالی حصے میں نمک کوہ اطلس سیریز میں واقع مشہور مقام ہے۔یہ لاہور سے قریب 270کلو میٹر کے فاصلے پر واقع ہے۔دراصل 1947کے بعد یہ مندر بند کر دیا،اس کے بعد پاکستان نے اس مندر کو دوبارہ تعمیر کیا تھا۔سمجھا جاتا ہے کہ یہ مندر قریب 900سال پرانی ہے لیکن کچھ لوگ اسے اس سے بھی پرانا بتاتے ہیں۔