صدارتی انتخابات: جنگ چھوٹی سوچ اورفرقہ پرستی کے خلاف ہے;سونیا گاندھی نے کی میراکماراورگوپال کرشن گاندھی کوووٹ دینے کی اپیل

Source: S.O. News Service | Published on 16th July 2017, 10:29 PM | ملکی خبریں |

نئی دہلی،16/جولائی (ایس او نیوز/آئی این ایس انڈیا)کانگریس صدر سونیا گاندھی نے مودی حکومت پرحملہ بولاہے۔سونیاگاندھی نے صدارتی انتخابات کولے کرکہاکہ یہ چھوٹی سوچ اورفرقہ پرستی کے خلاف جنگ ہے۔صدارتی انتخابات کے لیے ووٹنگ سے ایک دن قبل سونیاگاندھی نے اپوزیشن پارٹیوں سے میراکماراورنائب صدر کے عہدے کے لیے گوپال کرشن گاندھی کوووٹ دینے کی اپیل کی ہے۔اپوزیشن پارٹیوں کی میٹنگ میں سونیاگاندھی نے مودی کی”فرقہ وارانہ اور تقسیم کی پالیسی“کولے کرجم کرنشانہ سادھا۔سونیاگاندھی نے کہاکہ یہ انتخابات تنگ ذہن رکھنے والے فرقہ وارانہ نظریات کے خلاف ہے۔سونیا گاندھی نے صاف کیا کہ صدراور نائب صدرکے انتخابات میں بھلے ہی افرادی طاقت ان کے ساتھ نہیں ہے،لیکن یہ جنگ پوری سنجیدگی سے لڑیں گے۔سونیاگاندھی نے کہاکہ ہمیں پہلے سے کہیں زیادہ بیدار ہونا چاہیے کہ ہم کون ہیں؟۔ آزادی کے دوران ہم نے کیا لڑا؟۔ہم اپناکیامستقبل چاہتے ہیں؟۔ہمیں ان اقدار پر یقین ہونا چاہیے، جنہیں ہم مانتے چلے آئے ہیں۔سونیاگاندھی نے مزیدکہاکہ یہ الیکشن نظریات اورمتضاد اقدار کا تصادم ہے، ہم ہندوستان کو ان کے ذریعے گروی نہیں ہونے دیں گے جو تنگ سوچ، تقسیم اور فرقہ وارانہ نظریات کولاگوکرناچاہتے ہیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...