رنجیت کمار کا سالیسیٹر جنرل عہدے سے استعفیٰ
نئی دہلی ، 20 اکتوبر (ایس او نیوز؍آئی این ایس انڈیا )سینئر ایڈوکیٹ رنجیت کمار نے نجی اسباب سے ’سالسیٹر جنرل کے عہدے سی استعفیٰ دے دیا ہے۔ یہ ملک کا دوسرا سب سے سینئر قانون افسر کا عہدہ ہے۔ قانون و انصاف کے وزیر روی شنکر پرساد کے دفتر کو رنجیت کمار کا استعفیٰ خط آج ملا۔ رنجیت کمار نے سالسیٹر جنرل کے عہدہ سی استعفیٰ دینے تصدیق کی جب کہ ان کے نزدیکی ذرائع نے بتایا کہ کہ یہ نجی اسباب سے دیا گیا ہے۔ مودی حکومت کے اقتدارمیں آنے کے بعد جون 2014 میں رنجیت کمارکو سالسیٹر جنرل تعینات کیا گیا تھا۔ سالسیٹر جنرل کے طور پر ان کی دوسری مدت حال ہی میں شروع ہوئی تھی۔کچھ مہینے پہلے یہ بحث تھی کہ سپریم کورٹ کی اعلیٰ کولوجیم عدالت کے جسٹس عہدے کے لیے ان کے نام پر غور کررہی ہے۔حال ہی میں سینئر وکیل مکل روہتگی نے اٹارنی جنرل کے عہدہ سی استعفیٰ دے دیا تھا۔انہوں نے حکومت کو لکھے خط میں کہا تھا کہ اٹارنی جنرل کے طورپردوسری مدت میں انکی دلچسپی نہیں ہے۔ روہتگی کے استعفیٰ کے بعد سینئر وکیل کے کے وینوگوپال کو نیا اٹارنی جنرل تعینات کیا گیا تھا۔