بنگلورو کے بعد اب حیدرآباد میں زہریلی برف باری
حیدرآباد، 9؍جون (ایس او نیوز؍آئی این ایس انڈیا )کچھ ہی دن قبل بنگلورو کی وارتھر جھیل سے نکل رہے زیلے جھاگ نے سب کو حیران کر دیا تھا اور اب حیدرآباد میں بھی ایسا ہی منظر دیکھنے کو مل رہا ہے۔حیدرآباد کے دھرانی نگر علاقے میں ایک نالے سے نکلنے والے زہریلے جھاگ کا ویڈیو سامنے آیا ہے۔اس ویڈیو میں دیکھا جا سکتا ہے کہ نالے سے نکل کر یہ جھاگ سڑکوں تک آ رہی ہے۔اس جھاگ نے ارد گرد کے لوگوں کی پریشانی بڑھا دی ہے۔جھاگ کی موٹی موٹی تہیں ہوا کے ساتھ لوگوں کے گھروں تک پہنچ رہی ہیں۔اس سے پہلے 29؍مئی کو بنگلورو کے وارتھر جھیل میں لوگ اس برف باری کے گواہ بنے تھے۔نالے سے نکلنے والی اس جھاگ نے لوگوں کو سکتے میں لا دیا ہے۔جھاگ سے کئی طرح کی جلد سے متعلق بیماریاں بھی ہو رہی ہیں۔ساتھ ہی اس سے آنے والی بدبو بھی کم بڑی مصیبت نہیں ہے۔