بھٹکل میں چلتی بائک پر سانپ کا حملہ؛ بائک کی پچھلی سیٹ پر سوارنوجوان شدید زخمی

Source: S.O. News Service | By I.G. Bhatkali | Published on 24th August 2018, 11:24 PM | ساحلی خبریں | ان خبروں کو پڑھنا مت بھولئے |

بھٹکل  24/اگست (ایس او نیوز) بھٹکل میں  چلتی بائک پر ایک زہریلے سانپ کے حملہ سے بائک کی پچھلی سیٹ پر سوار نوجوان شدید زخمی ہوگیاہے جسے بھٹکل سرکاری اسپتال میں ابتدائی طبی امداد  کے بعد  اُڈپی لے جایا گیا ہے۔ واردات آج جمعہ شام قریب سات بجے پیش آئی۔

اطلاع کے مطابق دو نوجوان نوشاد اور فیروز احمد بائک پر سوار جالی سے اپنے گھر مخدوم کالونی جارہے تھے کہ  جالی کی ایک سڑک پر  بائک کی رفتار کم کرکے سڑک کے کنارے سے بائک کو لے جانے کے دوران اچانک ایک سانپ نوشاد پر حملہ آور ہوا، لیکن نوشاد کی لنگی آڑے آگئی اور سانپ کا وار خالی چلا گیا، نوشاد پر حملہ کرتے ہی نوشاد نے اپنا پائوں زور سے جھٹک دیا تو سانپ پچھلی سیٹ پر سوار فیروز احمد  کے پیر پر جاگرا   اور سانپ نے فیروز کی   ران کو  ڈس لیا۔

23 سالہ فیروز احمد مختصر کو فوری طور پر سرکاری اسپتال لے جایا گیا، جہاں سے ابتدائی طبی امداد کے بعد فیروز کو اب اُڈپی شفٹ کیا گیا ہے اور اسے انتہائی نگہداشت والے کمرے (آئی سی یو) میں رکھا گیا ہے۔ اُس کی حالت نازک بتائی گئی ہے۔

گھروالوں نے تمام قارئین سے اُس کی  صحت یابی کے لئے دُعائوں  کی درخواست کی ہے۔

ایک نظر اس پر بھی

اترکنڑا ضلع میں مزید بارش کے امکانات کے پیش نظر ریڈ الرٹ جاری :بھٹکل میں ریکارڈ 140ملی میٹر بارش

ضلع کے ساحلی  پٹی کے مقامات پر رات دن  مسلسل برستی بارش کے نتیجےمیں عوامی زندگی بہت بری طرح متاثر ہوئی۔ پیر کی صبح سے شروع ہوئی بارش شام تک لگاتار برستی رہی ۔ ان حالات میں محکمہ موسمیات کی طرف سے ’ریڈ الرٹ ‘ جاری کرتے ہوئے  علاقہ میں مزید بارش برسنے کا امکان بتایا ہے۔ محکمہ ...

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

جنوری 19 کو ہوں گےانجمن حامئی مسلمین بھٹکل کے انتخابات؛ اسحاق شاہ بندری الیکشن کمشنر منتخب

قومی تعلیمی ادارہ انجمن حامئی مسلمین بھٹکل کے عام انتخابات اگلے سال 19 جنوری کو ہوں گے جس کے لئے آج سنیچر کو  ہوئی انتظامیہ میٹنگ میں  الیکشن کمشنر کا انتخاب عمل میں آیا ہے۔  اس بات کی تصدیق انجمن کے جنرل سکریٹری جناب صدیق اسماعیل نے کی ہے۔ انہوں نے بتایا کہ  آج کی میٹنگ میں ...

بھٹکلی جماعت المسلمین مینگلورو کا مستحسن اقدام : بنٹوال میں ہوئے سڑک حادثے میں شدید زخمیوں کی عیادت کرنے اور اُنہیں ہرممکن تعاون دینے جماعت کے وفد کا اسپتال دورہ

بھٹکلی  جماعت المسلمین مینگلور کے ایک وفد نے  مینگلور کے مختلف اسپتالوں کا دورہ کرتے ہو ئے  کل جمعہ کو سڑک حادثے میں ہوئے زخمی بھٹکلی لوگوں کی عیادت کی اور اُن کے رشتہ داروں سے بات چیت کرتے ہوئے جماعت کی جانب سے ہر ممکن تعاون کا یقین دلایا۔

انکولہ میونسپالٹی چیف آفیسر کو ڈی سی نے لیا آڑے ہاتھ۔ کہا؛ اگر تم ایماندار ہوتے تو کٹہرے میں کھڑے نہ ہوتے

انکولہ میونسپالٹی میں ڈھنگ سے کام نہ ہونے کی شکایت ملنے پر  اُترکنڑا کے ڈپٹی کمشنر  ڈاکٹر ہریش کمار انکولہ پہنچ کر  میونسپل چیف آفسر بی پرہلاد کو آڑے ہاتھوں لیا اور کہا کہ اگر تم  ایمانداری سے اپناکام انجام دے رہے ہوتے  تو اس طرح کٹہرے میں کھڑے ہونے کی نوبت نہ آتی ۔ ڈپٹی ...