گوکرن میں سانپ کے ڈسنے سے کسان ہلاک
کاروار 21/جولائی (ایس او نیوز) کمٹہ تعلقہ کے گوکرن میں کھیت میں کام کرنے کے دوران سانپ کے ڈسنے سے ایک کسان ہلاک ہوگیا جس کی شناخت کرشنا بیرو گوڈا کی حیثیت سے کی گئی ہے۔
ذرائع کے مطابق پانچ روز قبل یہ واردات پیش آئی تھی جب کھیت میں کام کرنے کے دوران کرشنا کو اچانک ایک زہریلے سانپ نے ڈس لیا تھا، اسے فوری طور پر مقامی اسپتال لے جایا گیا تھا، جہاں طبی امداد فراہم کرنے کے بعد انہیں کاروار ڈسٹرکٹ اسپتال منتقل کیا گیا تھا، مگر وہ آج سنیچر کو زخموں کی تاب نہ لاکر چل بسا۔
کسان کی موت پر گوکرن کے عوام میں سخت ناراضگی پائی جارہی ہے۔ عوام نے الزام لگایا ہے کہ گوکرن سرکاری اسپتال میں ضروری سہولیات نہ ہونے کی وجہ سے کسان کی موت واقع ہوئی ہے اگر متعلقہ اسپتال میں ضروری دوائیاں اور سہولیات ہوتیں تو کسان کو بچایا جاسکتا تھا۔
گوکرن پولس تھانہ میں معاملہ درج کیا گیا ہے۔