نئی دہلی، 10 نومبر (ایس او نیوز؍ آئی این ایس انڈیا )دہلی اورقومی دارالحکومت خطہ میں آج چوتھے دن بھی دھند کی موٹی چادر سے ڈھکارہاجس سے لوگوں کوسانس لینے میں دقتیں آرہی ہیں۔محکمہ موسمیات کے مطابق صبح ساڑھے پانچ بجے مطلع کی کثافت 1000 میٹرکی تھی لیکن ساڑھے آٹھ بجے تک وہ گھٹ کرمحض400 میٹررہ گئی۔دہلی میں کم از کم درجہ حرارت معمول سے ایک ڈگری نیچے 13 ڈگری سیلسیس ریکارڈ کیا گیا۔ صبح ساڑھے آٹھ بجے نمی93 فیصدرہی۔محکمہ موسمیات کا کہنا ہے کہ آج دن میں ہلکی ہوا چلنے کا اندازہ ہے جس سے بدلی چھٹنے میں کچھ مددملے گی۔افسرنے کہاکہ آج دن میں زیادہ سے زیادہ درجہ حرارت 30 ڈگری سینٹی گریڈ رہنے کاامکان ہے۔