اسمارٹ فون کی لت سے انسانی دماغ کا یہ انجام ہوتا ہے

Source: S.O. News Service | By Shahid Mukhtesar | Published on 3rd December 2017, 7:49 PM | عالمی خبریں |

دبئی ،3دسمبر(ایس او نیوز؍ آئی این ایس انڈیا)ایک نئے تحقیقی مطالعے میں انکشاف کیا گیا ہے کہ اسمارٹ فون استعمال کرنے کی لَت دماغ میں خطرناک نوعیت کے خلل کا سبب بن سکتی ہے۔ رپورٹ کے مطابق محققین کے سامنے یہ بات آئی ہے کہ اسمارٹ فون اور سوشل میڈیا کو نشے کی حد تک استعمال کرنا دماغ کی کارکردگی کو نقصان پہنچا سکتا ہے۔ اس کے نتیجے میں کیمیائی خلل سے انسان کے اندر شدید تشویش )ڈپریشن) اور تھکن کی حالت جنم لے سکتی ہے۔تحقیقی مطالعے میں انٹرنیٹ اور اسمارٹ فون کی لت میں مبتلا 19 نوجوانوں کو شامل کیا گیا۔ ان کی حالت کا موازنہ ایک دوسرے گروپ سے کیا گیا جس میں اسی جنس اور عمر کے ایسے افراد شامل کیے گئے جو انٹرنیٹ اور اسمارٹ فون کی لت میں مبتلا نہیں تھے۔اسمارٹ فون اور انٹرنیٹ کی لت میں مبتلا افراد کا ایک ٹیسٹ کیا گیا جس کا نامMRS ہے۔ اس ٹیسٹ میں دماغ کے کیمیائی عمل کا تجزیہ کیا جاتا ہے۔ اس دوران مطالعے میں شامل محققین نے gamma aminobutyric acid (GABA) کی سطح کی پیمائش کی جو دماغ میں اشاروں کی رفتار سُست کر دینے والا کیمیکل ہے۔ محققین کے سامنے یہ بات آئی کہ اسمارٹ فون اور انٹرنیٹ کی لت میں مبتلا افراد کے اندر GABA کے مقابل ایک دوسرے اہم نیورو ٹرانسمیٹر کا تناسب صفر نکلا۔ محققین اس نتیجے پر پہنچے کہ مذکورہ امر ان افراد کے دماغ کو گہری حد تک متاثر کر سکتا ہے۔تحقیق کا خلاصہ یہ بیان کیا گیا کہ اسمارٹ فون کے استعمال کی لَت نے انسانی دماغ کی تخلیقی صلاحیت اور نیند کے فرائض کو تباہ کر دیا ہے۔

ایک نظر اس پر بھی

چینی فضائیہ کے بمبار طیارے کی جنوبی چین میں جزیرے کے رن وے پر لینڈنگ

چین کی عوامی سپاہ آزادی کی فضائیہ نے حالیہ مشق کے دوران بحیرۂ جنوبی چین کے ایک ہوائی اڈے پر اپناایچ۔6بمبار طیارہ اتارا اس طرح چینی بمبار طیارہ اس علاقے میں کسی ہوائی اڈے کو استعمال کرنے والا پہلا طیارہ بن گیا ہے۔

بچوں سے جنسی زیادتیاں: چلی کے تمام 34 بشپس استعفیٰ پیش کرنے پر متفق 

کیتھولک مسیحیوں کے کلیسائے روم کی تاریخ میں شاذ و نادر نظر آنے والی ایک پیش رفت میں بچوں سے جنسی زیادتیوں کے ایک بہت بڑے اسکینڈل کی وجہ سے چلی کے تمام چونتیس بشپس نے پاپائے روم کو اپنے استعفوں کی پیشکش کر دی ہے۔

افغانستان: اسٹیڈیم میں دھماکے، آٹھ ہلاک

افغانستان کے مشرقی شہر جلال آباد میں کھیلوں کے ایک اسٹیڈیم میں دھماکوں سے کم از کم آٹھ افراد ہلاک ہو گئے ہیں۔افغان حکام کے مطابق جمعہ کو دیر گئے اس اسٹیڈیم میں ایک کرکٹ میچ ہونے جا رہا تھا جب یہ دھماکے ہوئے اور اس میں متعدد افراد زخمی بھی ہوئے۔