بھٹکل 20/مارچ (ایس او نیوز) سنٹرل مسلم ایسوسی ایشن آف کرناٹکا کی طرف سے جاری کردہ مراسلے کے مطابق اس کی مجلس انتظامیہ کے لئے بھٹکل کے  جناب ایس ایم سید عبدالعظیم کو ضلع شمالی کینرا سے رکن منتخب کیا گیا ہے۔ 

واضح رہے کہ ایس ایم سید عبدالعظیم کو سی ایم اے نے تیسری مرتبہ ضلع شمالی کینراکی نمائندگی کے لئے منتخب کیا ہے۔سی ایم اے کے جنرل سکریٹری ڈاکٹر ظہیرالدین احمد کے مطابق 3/مارچ کو منعقدہ سی ایم اے کے انتظامیہ اجلاس میں یہ فیصلہ کیا گیا۔

سینٹرل مسلم اسوسی ایشن آف کرناٹکا ایک تعلیمی اور سماجی ادارہ ہے جس کے تحت کافی اسکولس اور کالجس چل رہے ہیں۔