کولمبو،6اگست(ایس او نیوز/آئی این ایس انڈیا): ٹیم انڈیا نے سری لنکا کو کولمبو کے میٹرک اسٹیڈیم میں کھیلے گئے دوسرے ٹیسٹ میں اننگز اور 53رنز سے شکست دے کر تین میچوں کی ٹیسٹ سیریز میں 2-0سے برتری حاصل کرلی ہے۔اسی کے ساتھ ہی ہندوستان نے گزشتہ 2سالوں میں سری لنکا زمین پر مسلسل دوسری بار ٹیسٹ سیریز جیت کر تاریخ رقم کی ہے۔اتنا ہی نہیں وراٹ بریگیڈ نے 2سال میں مسلسل 8ویں ٹیسٹ سیریز میں کامیابی حاصل کی ہے،جو آسٹریلیا((9اور انگلینڈ ((9کے بعد دوسری سب سے زیادہ شاندار کارکردگی ہے۔اس میچ میں ٹیم انڈیا کے پہلے اننگز میں بنائے گئے 622رنز کے بھاری اسکور کے جواب میں سری لنکا کی ٹیم پہلی اننگز میں 183رنز پر ہی ڈھیر ہو گئی تھی۔سری لنکا فالوآن بھی نہیں بچا پائی۔اس کے بعد فالو آن کھیلنے اتری سری لنکا کی ٹیم کو ٹیم انڈیا نے دوسری اننگز میں 386رنز پر سمیٹ کر اننگز اور 53رنز سے جیت درج کر لی۔اس سے پہلے ٹیم انڈیا نے چتیشور پجارا((133اور رہانے ((132کی بڑی اننگز کی مدد سے 622رنز بنائے تھے۔دوسری اننگز میں سری لنکا کی جانب سے کوشل مینڈس نے 110اور دمتھ کرارتنے نے 141رنز کی اننگز کھیلی۔ٹیم انڈیا کے لئے رویندر جڈیجہ نے دوسری اننگز میں 5وکٹ حاصل کئے۔میچ میں 70رنز اور 7وکٹ لے کر شاندآل راؤنڈرانجام دینے کے لئے رویندر جڈیجہ کو ’مین آف دی میچ‘کا ایوارڈ دیا گیا۔
سری لنکا کی شروعات بے حد خراب رہی اور صرف 7رنز کے اسکور پر پہلا وکٹ گر گئی،.2.6اوور میں امیش یادو نے اپل تھرنگا ((2کو بولڈ کرتے ہوئے دوسری اننگز میں سری لنکا کا پہلا وکٹ گرایا۔ 55ویں اوور میں ہاردک پنڈیا نے سری لنکا کو دوسرا جھٹکا دیا، جب انہوں نے اچھی بلے بازی کر رہے کوشل مینڈس کو رددھمان ساہا کے ہاتھوں کیچ کرا دیا۔کوشل مینڈس 110رن بنا کر آؤٹ ہوئے۔چوتھے دن سری لنکا نے 209/2رن سے آگے کھیلنا شروع کیا اور 29رنز بننے کے بعد اس کا تیسرا وکٹ گر گیا۔اشون نے 72.2اوور میں ملدا پشپکمار((16کو بولڈ کرتے ہوئے دوسری اننگز میں سری لنکا کا تیسرا وکٹ گرایا۔چوتھا وکٹ اگلے ہی اوور میں گر گیا۔جب 72.2اوور میں رویندر جڈیجہ کی گیند پر سری لنکا کے کپتان دنیش چنڈیمل ((2کو رہانے نے کیچ کر لیا۔چوتھے دن کے پہلے سیشن میں میزبان ٹیم نے 93رنز بنائے اور دو وکٹ کھو دینے کے بعد 310کے اسکور پر پانچواں وکٹ گرا۔جب 95.4اوور میں دمتھ کرارتنے کو جڈیجہ کی گیند پر رہانے نے کیچ کر لیا،تھوڑی دیر بعد ہی چھٹا وکٹ بھی گر گیا۔جب 97.3اوور میں رددھمان ساہا نے جڈیجہ کی گیند پر اینجلو میتھیوز((36کو کیچ آؤٹ کر دیا۔جڈیجہ نے ہی ساتواں وکٹ بھی گرایا، جب ان کی گیند پر دلروان پریرا ((4کو ساہا نے سٹمپ کر دیا۔آٹھواں وکٹ جڈیجہ کو، نواں وکٹ پنڈیا کو آخری وکٹ اشون کو ملا۔دوسری اننگز میں رویندر جڈیجہ سب سے زیادہ کامیاب رہے، جنہوں نے 5 وکٹ لئے،جبکہ اشون کو 2اور پنڈیا کو بھی 2وکٹ ملے۔