بلندشہر تشدد بھیڑنے نشانہ بناکر انسپکٹرکا قتل کیا 4گرفتار،87 کے خلاف مقدمہ درج۔سبودھ کمارکی موت سرمیں گولی لگنے سے ہوئی

Source: S.O. News Service | By Shahid Mukhtesar | Published on 6th December 2018, 11:44 AM | ملکی خبریں |

لکھنؤ،6؍دسمبر(ایس او نیوز؍یواین آئی) اترپردیش کے بلند شہر میں پیر کو گؤکشی کی افواہ پھیلنے کے بعد ہوئی فائرنگ، پتھراؤ اور آتشزنی کے واقعہ کے بعد حالات معمول کے مطابق اور پرامن ہیں اس معاملے میں27لوگوں کے خلاف نامزد جبکہ 87نامعلوم افراد کے خلاف مقدمہ درج کیا گیا ہے ۔

ریاست کے اڈیشنل ڈی جی پی(نظم و نسق) آنند کمار نے منگل کو یہاں پریس کانفرنس میں بتایا کہ بلند شہر کے سیانا علاقے کے چنگراوٹی پولیس چوکی پر پیش آئے واقعہ میں ابھی تک 4 افراد کو گرفتار کیا گیا ہے ۔ گرفتار لوگوں میں چمن، دیوندر، ستیش اور اروند چوہان شامل ہیں۔ پولیس کچھ لوگوں کو حراست میں لے کر پوچھ گچھ کر رہی ہے ۔ بلند شہر میں حالات معمول پر ہیں اور دفعہ144نافذ ہے ۔ ملزموں کو گرفتار کرنے کے لئے پولیس کی چھ ٹیمیں تشکیل دی گئی ہیں۔ انہوں نے بتایا کہ اس معاملے کی ایس آئی ٹی جانچ شروع کی جاچکی ہے ۔واقعہ کی غیر جانبداری سے جانچ کے لئے ہی ایس آئی ٹی کی تشکیل کی گئی ہے ۔ پولیس کسی بھی بے قصور کو جیل نہیں بھیجے گی۔ انہوں نے بتایا کہ ابتدائی جانچ میں اس واقعہ میں ملوث کسی بھی ملزم کا نام سامنے نہیں آیا ہے ۔

انہوں نے بتایا کہ بھیڑ نے کس وجہ سے مشتعل ہوکر پتھراؤ، فائرنگ اور آتشزنی کی ان سبھی نکات کی جانچ کی جارہی ہے ۔ذرائع کے مطابق بلندشہر میں مبینہ گؤکشی کولے کر ہوئے ہنگامہ میں انسپکٹر سبودھ کمارسنگھ کو گولی مارنے سے پہلے پیٹا گیا تھا۔ پوسٹ مارٹم رپورٹ میں بتایا گیا ہے کہ انسپکٹر کے سر میں گولی لگنے سے ان کی موت ہوئی۔

قبل ازیں اے ڈی جی لاء اینڈ آرڈر آنندکمار نے کہاتھاکہ ڈاکٹروں نے سر میں کسی تیز دھار شئے سے چوٹ لگنے سے موت کا اندیشہ ظاہر کیا تھا۔ تاہم پوسٹ مارٹم رپورٹ میں گولی لگنے کی تصدیق ہوئی۔ ہنگامہ کے بعد کچھ ویڈیو میں ایسا ظاہر ہورہا ہے کہ بھیڑ کو سمجھا رہے انسپکٹر سبودھ کمارسنگھ کو نشانہ بناکر قتل کیا گیا ۔ ویڈیو میں نظر آرہا ہے کہ مشتعل ہجوم سبودھ کمار کا ویڈیو بنارہا ہے اور گولی لگنے کی بات کررہا ہے۔  معلوم ہوکہ مشتعل بھیڑ، سبودھ کمارکی سرویس پستول اورتین موبائل بھی لوٹ کر فرار ہوگئی ہے۔ غور طلب ہے کہ انسپکٹر سبودھ داوری کے اخلاق قتل معاملے کی جانچ افسر بھی رہ چکے تھے ۔سبودھ کمار اخلاق قتل معاملہ کے وقت جارچا تھانے میں تعینات تھے ۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔