مصر: صدارتی انتخابات میں السیسی کے متوقع حریف کون ہیں؟
دبئی، 29جنوری(ایس او نیوز؍آئی این ایس انڈیا)مصر کی سیاسی جماعت ’الغد‘ نے رواں سال مارچ میں ہونے والے صدارتی انتخابات میں اپنا امیدوار کھڑا کرنے کا اعلان کیا ہے۔ذرائع کے مطابق ’الغد‘ کی طرف سے موجودہ صدر عبدالفتاح السیسی کے مقابلے کے لیے جماعت کے صدرسی کو میدان میں اتارنے کا فیصلہ کیا ہے۔مصطفیٰ موسیٰ اپنے کاغذات نامزدگی آخری تاریخ سے قبل جمع کرانے کے لیے تیار ہیں۔ وہ آج سوموار کو اپنے کاغذات نامزدگی جمع کرائیں گے۔ ان کی جماعت نے انتخابات میں حصہ لینے کے لیے پارلیمنٹ کے 20 ارکان کی حمایت حاصل کرلی ہے۔ذرائع کے مطابق الغد کے چیئرمین جو مصر کی عرب قبائل کونسل کے چیئرمین بھی ہیں صدارتی انتخابات کی دوڑ میں صدر السیسی کا مقابلہ کریں گے۔واضح رہے کہ موسیٰ مصطفیٰ موسیٰ 2005ء میں الغد پارٹی سے الگ ہوگئے تھے۔ اس وقت جماعت کی قیادت ایمن نور کے پاس تھی۔ 2011ء میں الغد پارٹی نے انہیں دوبارہ شامل کرنے کے بعد جماعت کا صدر مقرر کردیا تھا۔گرچہ موسیٰ مصطفیٰ موسیٰ کوئی مضبوط امیدوار نہیں تاہم وہ مقابلہ کرنے کے لیے پرعزم ہیں۔