سرسی:28/مئی (ایس اؤنیوز)ضلع ڈپٹی کمشنر کی طرف سے ریت سپلائی کے لئے قیمت طئے کرنے کے بعد بھی ریت سپلائی کانٹراکٹرس کی من مانی پر اعتراض جتاتے ہوئے سرسی کے کانٹراکٹروں سنیچر کو کمٹہ ۔ ہوناور سے سرسی سے جانے والی ریت لاریوں کو روک کر تمام کو مناسب دام پر ریت سپلائی کرنے کا مطالبہ کیا۔

شہر کے راگھویندر سرکل ، نیلکنی وغیرہ مقاما ت پر 10سے زائد ریت سپلائی لاریوں کو روک کر سرسی اے سی دفتر کے روبرو کھڑا کیا۔ اور اے سی سے ملاقات کرتےہوئے انہیں توجہ دلائی کہ ڈی سی نے مناسب قیمت طئے کرنےکے باوجو د کمٹہ اور ہوناور کی طر ف سے ریت سپلائی کرنےو الی لاریاں من مانی کررہی ہیں ڈی سی حکم نامےکی دھجیاں اڑارہے ہیں، جس کے نتیجے میں غریبوں اور متوسط طبقے کے لئے گھروں کی تعمیر ایک خواب بنتا جارہاہے ، ایک لوڈ ریت سپلائی کے لئے 25-30ہزاررو پئے اداکرنا مشکل ہے ، فوری طورپر سواریوں کےلئے مناسب قیمت طئے کرکے کارروائی کرنے کی مانگ کی۔ اس موقع پر سنگھ کے شیام سندربھٹ، سنتوش نائک، رمیش نائک، انجنئیر اسوسی ایشن کے انیل نائک سمیت کئی ذمہ داران موجود تھے۔