بھٹکل میونسپالٹی میں خودسوزی کا معاملہ؛ سابق وزیر اور سرسی رکن اسمبلی ویشویشور ہیگڈے کاگیری کا بھٹکل دورہ؛ بلدیہ انتظامیہ کو قرار دیا ذمہ دار (وڈیو کلپ کے ساتھ)

Source: S.O. News Service | By Abu Aisha | Published on 9th October 2017, 8:50 PM | ساحلی خبریں | ریاستی خبریں |

بھٹکل:9/ اکتوبر (ایس اؤنیوز) بلدیہ دکانوں کی تحویلی کارروائی کے دوران خود سوزی کے ذریعےہلاک ہونے والے  رام چندرنائک معاملے کی مکمل جانچ ہونی چاہئے اور اس    واردات کے لئے کون ذمہ دار ہے اُسے عوام کے سامنے ظاہر کرنا چاہئے، اس بات کا مطالبہ  سرسی رکن اسمبلی وشویشور ہیگڈے کاگیری  نے کیا ۔ وہ یہاں پیر کی شام سرکٹ ہاؤس میں اخبارنویسوں سے گفتگوکررہے تھے۔انہوں نے  حکومت سے مہلوک کے خاندان کو 10لاکھ روپیے کے معاوضہ کافوری طور پر مطالبہ کیا۔ کاگیری نے  کہاکہ بلدیہ کے سامنے ہوئے احتجاج کے دوران کو ئی بھی ڈکیتی کا معاملہ نہیں ہوا تھا، لیکن پولس نے سیاسی دباؤ کے چلتے بی جےپی کے گوند نائک اور کرشنانائک کے خلاف ڈکیتی کا کیس درج  کیاہے جو  قابل مذمت ہے۔ انہوں نے ریاستی کانگریس حکومت پر الزام لگایا کہ وہ دشمنی کی سیاست کررہی ہے ، انہوں نے مانگ کی کہ پولس فوری طورپر درج شدہ کیس کو واپس لیں اور دونوں بی جے پی لیڈران کی فوری طور پر ضمانت پر رہائی کو یقینی بنائیں۔

انہوں نے  بھٹکل بلدیہ دکانوں کی نیلامی کے لئے بھٹکل میونسپالٹی  کی انتظامیہ کو  ذمہ دارقرار دیا۔ اور کہا کہبلدیہ انتظامیہ نے اگر  وقت پر اپنی ذمہ داریوں کو ادا کیا ہوتا  تو ایسے حالات  پیدا  نہ ہوتے۔ جب اُن سے پوچھا گیا کہ میونسپالٹی انتظامیہ نے پرانے دکانداروں کو ہی دکانیں نیلام کئے جانے کو لے کر پانچ مرتبہ قرارداد منظور کرکے ڈپٹی کمشنر کو روانہ کئے تھے تو میونسپالٹی انتظامیہ کیسے ذمہ دارہوسکتی ہے تو انہوں نے کہا کہ صرف قرارداد منظور کرکے روانہ کرنے سے کام نہیں ہوتا، تعلقہ کے ایم ایل اے اور ضلعی انچارج وزیر کی بھی کچھ ذمہ داریاں ہوتی ہیں۔

ریاست کے مختلف علاقوں میں سڑکوں کی درستگی نہ ہونے پر کاگیری گرم؛

ریاست کرناٹک کے مختلف علاقوں میں سڑکوں کی درستگی نہ کئے جانے اور اکثر علاقوں میں سڑکوں پر بڑے بڑے گڈھے پیدا ہوجانے کو لے کر کاگیری ریاستی  حکومت پر گرم ہوگئے، انہوں نے کہا کہ صرف بنگلورو میں ہی نہیں ، ریاست کے دیہی علاقوں میں بھی سڑکوں کی درستگی  نہیں ہوئی ہے، حکومت سڑک کی نگرانی ، اس کی مرمت اور سڑکوں کی درستگی  کے لئے فنڈ  منظور نہیں کررہی ہے ، کاگیری کے مطابق پی ڈبلیو ڈی کے پاس  سڑکوں کی ترقی کے لئے کافی پیسہ موجود ہے لیکن ٹینڈر کی کارروائی نہیں ہورہی ہے۔

ماترپورنا منصوبہ  کو ڈھنگ سے جاری کرنے کا مطالبہ

حالیہ طورپر حکومت کی طرف سے جاری کردہ ماترپورنا نامی منصوبہ کے متعلق کاگیری نے سوال کیا کہ حاملہ عورتیں دوپہر کے کھانے کے لئے اپنا بڑا پیٹ لے کر انگن واڑی مراکز پر کیسے جائیں گی ؟ انہوں نے کہا کہ حاملہ خواتین کے لئے حکومت کا منصوبہ اچھا ہے، مگر یہ منصوبہ ساحلی اور ملناڈ کے علاقوں کے لئے مناسب نہیں ہے، حکومت کو چاہئے کہ  مقوی غذاوں کو  گھر تک پہنچانے کا انتظام کریں۔ انہوں نے آنگن واڑی مراکز پر کھانے کے لئے جانا حاملہ خواتین کے لئے ناممکن قرار دیا اور کہا کہ حاملہ عورتوں کو انگن واڑی لے جانے کے لئے مزید ایک ساتھی کی ضرورت پڑے گی اور خواتین اپنا گھربار چھوڑ کر دوپہر کے کھانے کے لئے پیدل سفر نہیں کرسکے گی۔

کاگیری نے بعد میں  آسارکیری میں واقع  مہلوک رام چندرنائک کے گھر پہنچ کر خاندان والوں کے ساتھ تعزیت کی اور اُنہیں دلاسہ دیا۔ اس موقع پر سابق رکن اسمبلی جے ڈی نائک، ایم جی نائک، بھٹکل بی جے پی صدر راجیش نائک، دنیش نائک، سنیل بی نائک، سبرائے دیواڑیگا، موہن نائک، روی نائک جالی ، لکشمن نائک، سنتوش نائک، ایشور نائک، پرمود جوشی وغیرہ موجود تھے۔

ویشویشور ہیگڈے کاگیری کی بھٹکل آمد اور اخبارنویسوں کے ساتھ بات چیت کی وڈیو کلپ

 

ایک نظر اس پر بھی

مرڈیشور میں ریزرو بینک آف انڈیا کے زیر اہتمام بیرونی زر مبادلہ پر طلبا کے لئے ایک روزہ ورکشاپ

مرڈیشور کے آر این ایس ریسڈینسی بیانکویٹ ہال میں 18جنوری 2018بروز جمعرات کی صبح 10بجے سے شام 4بجے تک ریزرو بینک آف انڈیا بنگلورو کے زیر اہتمام بی کام فائنل اور ڈپلو ما فائنل طلبا کے لئے ’’بیرونی زر مبادلہ ‘‘(Forex For You)کے متعلق ورکشاپ منعقد کئے جانے کی آر این ایس کے تعلیمی ڈائرکٹر ...

سرسی میں پرکاش رائے کے خطاب کردہ اسٹیج کوبی جے پی نے گائے کے پیشاب سے کیاپاک !

’ہمارا دستور ہمارا فخر‘کے موضوع پر اداکار دانشور پرکاش رائے نے سرسی میں جس اسٹیج سے خطاب کیا تھااس مقام کو اور راگھویندرامٹھ کلیان منٹپ کے احاطے کو بی جے پی کارکنان نے گائے کے پیشاب سے پاک کرنے کی کارروائی انجام دی۔

مرڈیشور سرکاری ماڈل پرائمری اسکول میں سالانہ جلسہ

خانگی اسکولوں کی مقابلہ آرائی کے زمانےمیں بھی مرڈیشور کی سرکاری ماڈل ہائر پرائمری اسکول جس ترقی کی راہ پر گامزن ہے وہ قابل ستائش ہے۔اسکول میں سائنسی نمائش کا اہتمام، مختلف ثقافتی مقابلہ جات اور شاندار طریقے سے سالانہ جلسے کا انعقاد اسکول کے اساتذہ اور طلبا کی محنتوں کا نتیجہ ...

شمالی کینرا میں سیاسی تماشے کا ایک اور سین : کانگریس کے بعد آنند اسنوٹیکر نے بی جے پی کو بھی کیا الوداع۔ اب تھاماجے ڈی ایس کا دامن

ضلع شمالی کینرا میں آئندہ چند مہینوں میں درپیش اسمبلی الیکشن کے ڈرامے کا ایک اور سین سامنے آیا ہے۔ موصولہ رپورٹ کے مطابق کاروار انکولہ حلقے میں ٹکٹ کے ایک مضبوط دعویدار سمجھے جانے والے آنند اسنوٹیکرنے بھارتیہ جنتا پارٹی سے مستعفی ہوکر جنتا دل سیکیولر کا دامن تھام لیا ہے۔

حضرت ڈاکٹر علی ملپا مرحوم پر نقوش طیبات کے خصوصی شمارہ کا دار العلوم ندوۃ العلماء میں مولانا رابع حسنی ندوی کے ہاتھوں رسم اجراء

معھد الإمام حسن البناء شھید (بھٹکل) کی طرف سے نکلنے والا دو ماہی رسالہ نقوش طیبات نے اس بار  بانی و سابق صدر جامعہ اسلامیہ بھٹکل حضرت ڈاکٹر علی ملپا رحمۃ اللہ علیہ کی حیات و خدمات پرخصوصی شمارہ شائع کیا ہے، جس کا اجراء لکھنو میں  دارالعلوم ندوۃ العلماء لکھنو   کے ناظم ...

انتخابات کے پیش نظر پارٹی لیڈروں کے باہمی تبادلہ خیالات کاسلسلہ سی ایم ابراہیم کی جے ڈی ایس سربراہ دیوے گوڈا سے ملاقات

ریاستی اسمبلی انتخابات جیسے جیسے قریب آنے لگے ہیں ، سیاسی قائدین سے ملاقاتیں اور ان سے تبادلہ خیالات کا سلسلہ شروع ہوجاتا ہے جوکافی اہم اور دلچسپ ہوا کرتا ہے ۔

کانگریس نے لوک سبھا میں بھی طلاق ثلاثہ بل کی مخالفت کی تھی کرناٹک وقف بورڈ کے انتخابات میں تاخیر افسوسناک :ڈاکٹر کے رحمٰن خان

لوک سبھا میں طلاق ثلاثہ بل کے خلاف کانگریس نے کوئی آواز نہیں اٹھائی یہ ایک غلط خبر ہے اور بھارتیہ جنتا پارٹی (بی جے پی) کی پیداوار ہے جس کو اسی کی ایماء پر میڈیا نے پھیلایاہے۔

اگلا وزیراعلیٰ بنانے ہائی کمان کے اعلان سے سدارامیاکا حوصلہ بلند راہل گاندھی کے بیان سے وزیراعلیٰ کی کرسی پر نظر رکھے لیڈروں کو مایوسی۔ بغاوت کے آثار

ریاست کرناٹک میں ہونے و الے اگلے اسمبلی انتخابات میں کانگریس پارٹی اگر اکثریت حاصل کرکے دوبارہ اقتدار حاصل کرلے گی تو سدارامیا ہی اگلے وزیراعلیٰ ہوں گے ۔

مودی ، یوگی اور ونود سب نے کرناٹک کی توہین کی ،گالی گلوچ بی جے پی کا مزاج ؛گوا کے وزیر آبپاشی ونود پالیکر نے کیا کنڑیگا س کو ذلیل

منہ پھٹ بی جے پی لیڈرز ہر دن کوئی نہ کوئی متنازعہ اور اشتعال انگیز بیان دیتے ہوئے عوامی غیض وغضب کا شکار ہورہے ہیں، بیلگاوی ضلع کے خانہ پور تعلقہ میں چل رہے کلسا نالا تعمیراتی کاموں کا معائنہ کرنے کے بعد گوا کے وزیر برائے آبپاشی ونود پالیکر نے کرناٹک کے باشندوں کو حرامی کہہ ...

اُترکنڑا کے سُودّی ٹی وی نیوز چینل کے رپورٹرکی بائک درخت سے ٹکراگئی؛ رپورٹر کی موقع پر موت

سرسی سے ہانگل جانے کے دوران ایک کنڑا نیوز چینل کے رپورٹر کی بائک تیز رفتاری کے ساتھ  ایک درخت سے ٹکرانے کے نتیجے میں موقع پر ہی اُس کی موت واقع ہوگئی۔ یہ حادثہ اتوار کو ضلع ہاویری کے ہانگل کے قریب گُنڈورو نامی دیہات میں علی الصباح پیش آیا۔

دستور کو تبدیل کرنے والی بات کہنے والے آننت کمار ہیگڈے کے حلقہ میں ہی پہنچ کر گرجے فلم ایکٹر پرکاش رائے؛ کہا ہماری خاموشی ہمیں مار ڈالے گی

’بھائی چارگی کے ساتھ جینا‘ اور ’ہمارا دستور ہمارا فخر ‘کے موضوع پر سرسی کے راگھویندرا مٹھ میں منعقدہ ریاستی اجلاس کا افتتاح کرتے ہوئے معروف دانشور اداکار پرکاش رائے نے کہا کہ اس وقت دیش کو ایک بہت بڑی بیماری لگ گئی ہے۔