سرسی 22/فروری    (ایس او نیوز)  کچی دارچینی ( دال چینی )، پتے وغیرہ غیر قانونی طورپر سپلائی کرنے کے دوران پولس نے چھاپہ مارکر سامان سمیت سواری کو اپنی تحویل میں لئے جانے کا واقعہ بنواسی کے فاریسٹ زون میں پیش آیا ہے۔

چھاپہ ماری کے دوران قریب 140کلو دال چینی، پتے اور سپلائی کے لئے استعمال کی گئی سواری کو فاریسٹ افسران نے ضبط کرلیا ہے، جب کہ تمام ملزمان فرار بتائے گئے ہیں۔ ملزموں کی شناخت کستوربا نگر کے فیروز باشا شونٹی اور سوگاوی کے امیش چندر چنیا کے طورپر کی گئی ہے۔ دونوں ملزمان 7 تھیلوں  میں کچی دال چینی  اور اس کے پتے وغیرہ سپلائی کرنے کی مصدقہ خبر پر فاریسٹ افسران نے چھاپہ ما ر کر ضبط کرلینے میں کامیاب ہوئے ہیں۔ معاملے میں فرار ہوئے ملزموں کی گرفتاری کے لئے پولس نے جال بچھایا ہے۔ کرناٹکا فاریسٹ قانون کے مطابق کیس درج کرلینےکی جانکاری بنواسی کے زون فاریسٹ آفیسر ایس جی پجار نے دی ہے۔