سرسی کے ایک گھر کا انٹرلاک توڑ کر لاکھوں روپئے کے زیورات و نقد رقم کی چوری
سرسی :22؍جنوری (ایس او نیوز) شہر کے ایک گھر کا انٹرلاک توڑکر اندر گھسے چوروں نے گھر کی الماری میں موجود لاکھوں روپئے مالیت کے سونے چاندی کے زیورات اور نقد رقم لے کر فرار ہونے کا واقعہ پیش آیا ہے۔
بنواسی روڈ پر واقع بنگلورو کے مکین منگلا شیورام بھٹ کے گھر میں چور ی واردات انجام دی گئی ہے۔ گھر کا انٹرلاک توڑ کر قریب 150گرام وزنی 3لاکھ روپئے مالیت والے سونےکے زیورات اور 2 کلو قریب 1لاکھ روپئے مالیت والے چاندی کے اشیاء سمیت 10ہزارروپئے نقد رقم لے کر فرار ہوگئے ہیں۔ معاملے کو لےکر سرسی شہری پولس تھانہ میں کیس درج کیا گیا ہے۔ پی ایس آئی مادیش نے کیس درج کرلیا ہے اور چھان بین شروع کردی ہے۔