سرسی :19؍ڈسمبر (ایس او نیوز) پینےکے پانی سپلائی کا مناسب انتظام ، سڑکوں کی صفائی جیسے اہم گلی محلے کے مسائل کو حل کرنےکی مانگ لےکر تعلقہ کے بنواسی گرام پنچایت کے ممبر شیونا چنیا نے پنچایت کے روبرو احتجاج کیا۔
احتجاج کی غرض کو بتاتے ہوئے پنچایت ممبر شیونا نےبتایا کہ میرے وارڈ میں بنیادی سہولیات کی کمی ہے ، ہر روز پینے کا پانی سپلائی نہیں ہورہاہے، سڑک کی لائٹس خراب ہوکر مہینوں بیت گئے ہیں۔ اس سلسلے میں صدر پنچایت سے ملاقات کرکے گفتگو بھی کی لیکن کوئی حاصل نہیں ، بنواسی کی سڑکوں پر گندگی کا ڈھیر ہے ، سوچھ بھارت ابھیان یہاں صرف ایک خواب ہے، ایک عوامی نمائندہ ہونےکے باوجود کوئی توجہ نہیں دے رہا تھاتو مجبوراً احتجاج کررہاہوں۔ ممبر شیونا نے صدر پنچایت کو صلاح دی کہ وہ پارٹی سیاست سے باز رہتے ہوئے ترقی کی سیاست کریں تاکہ کلی طورپر ہماراگاؤں ترقی پائے۔