سرسی:26/فروری (ایس او نیوز) کالج میں دوطلبا کے درمیان ہوئی مارپیٹ کو لے کر ایم ایم آرٹس ، سائنس اینڈ کامرس کالج سرسی کے شعبہ سائنس کے طلبا کلاسس کا بائیکاٹ کرکے پرنسپال سے حملہ آور طالب علم پرمناسب کارروائی کا مطالبہ کرتے ہوئے احتجاج کیا۔
کالج کے شعبہ سائنس کے متعلم پرسنا شیٹھ پر کالج کا ہی دوسرا طالب علم ابھیشک نے حملہ کیا تھا۔ جس کی مخالفت کرتے ہوئے شعبہ سائنس کے طلبا نے اپنی کلاسس کا بائیکاٹ کیا اور کالج صحن میں احتجاج کرتےہوئے پرنسپال سے مانگ کی کہ وہ ابھیشک پر مناسب کارروائی کرے۔ پرنسپال نے تحریری طورپر ایک ہفتہ میں کارروائی کاتیقن دینے کے بعد طلبا نے اپنا احتجاج ختم کرکے کلاسس میں حاضری دی۔