نئی دہلی23اکتوبر(ایس او نیوز ؍آئی این ایس انڈیا)طبِ یونانی کی ترویج و اشاعت کیلئے تقریباً 30-28برسوں سے سرگرم سفر ’مسیح الملک حکیم خان میموریل سوسائٹی کی کوششوں اورخدمات اعتراف کرتے ہوئے سر سید احمد خان نیشنل ایوارڈ 2016سے نوازا گیا ہے۔تقسیم ایوارڈ کی یہ رنگا رنگ تقریب سماجی اورثقافتی امور میں تاریخ رقم کرنے والی اہم تنظیم ’’محفل صنم ‘‘ کے زیر اہتمام منعقد کی گئی ۔مورخہ22اکتوبر 2016کو ایوان کے غالب تاریخی آڈیٹوریم میں قریب انعقاد عمل میں آیا۔تقسیم ایوارڈ کے بعد محفل مشا عرہ بھی آراستہ کی گئی جس سے وہاں موجود ادبی اور طب یونانی کی ترویج وترقی میں نمایاں کردار اداکرنے والی دانشور شخصیات اور دیسی طریقہ علاج کو فروغ دینے میں شب روز خود کو وقف کرچکے طبی اداروں کے ذمہ داران بیحد محظوظ ہوئے۔مسیح الملک حکیم اجمل خان میموریل سوسائٹی کی طبی شعبے میں گراں قدر خدمات کو خراج تحسین پیش کرتے ہوئے سر سید احمد خان نیشنل ایوارڈ 2016سے نوازا گیا۔یہ ایوارڈمسیح الملک حکیم اجمل خان میموریل سوسائٹی کے صدر ڈاکٹر محمد عمران اور سوسائٹی کے روح رواں معروف ہائی ٹیک یونانی معالج اورمسیح الملک حکیم اجمل خان میموریل سوسائٹی کے بانی جنرل سکریٹری نے مشترکہ طور ایوارڈ حاصل کرتے ہو کہا کہ دیسی طریقہ ہائے علاج کی ترقی کیلئے خود کو وقف کردچکی تنظیم کی اس عظیم الشان حوصلہ افزائی سوسائٹی میں نئی روح پھونکی گئی ہے۔قابل مسرت امر یہ ہے کہ مرکزی وزیر برائے سائنس و ٹکنالوجی ترقیات اور قومی راج دھانی دہلی کے سابق وزیر اعلیٰ جناب ہرش وردھن کے ہاتھوں سوسائٹی کو اس مؤقر ایوارڈ سے نوازا گیا۔تقریب میں حکومت دہلی کے وزیر عمران حسین ،حج کمیٹی دہلی کے چیئر مین اور رکن اسمبلی حاجی اشراق کے ساتھ تسمیہ ایجویکشنل فاؤ نڈ یشن کے سربراہ ڈاکٹر ایس فاروق درجنوں کی تعداد میں معز اور دانشور حضرات موجود تھے۔سوسائٹی کے ہمراہ ایوارڈ حاصل کرنے میں معروف صحافی کلدیپ نیر،استاداقبال خان اورعلیگڑھ مسلم یونیورسٹی کے پرووائس چانسلربریگیڈر (سبکدوش)سید احمد علی وغیر ہ ان کے اپنے اپنے میدان عمل نمایاں خدمات کا اعتراف ایوارڈ سے نواز اگیا۔