پابندی پر جڈیجہ کا ٹویٹ،ہم شریف کیا ہوئے، پوری دنیا ہی بدمعاش ہو گئی

Source: S.O. News Service | Published on 7th August 2017, 5:22 PM | اسپورٹس |

نئی دہلی،7اگست(ایس اونیوز/آئی این ایس انڈیا): سری لنکا کے خلاف کولمبو ٹیسٹ میچ میں مین آف دی میچ رہے آل راؤنڈر رویندر جڈیجہ کو آئی سی سی کے ذریعے ایک ٹیسٹ میچ کی پابندی جھیلنی پڑ رہی ہے۔اس کے بعد پیر کو ٹویٹر کے ذریعے انہوں نے اپنا درد بیان کیا۔جڈیجہ نے پیر کو ٹویٹ کیا کہ ہم شریف کیا ہوئے، پوری دنیا ہی بدمعاش ہو گئی۔آپ کو بتا دیں کہ آئی سی سی کے کوڈ آف کنڈکٹ کی خلاف ورزی کی وجہ سے نمبر 1ٹیسٹ بالر جڈیجہ کو اگلے ٹیسٹ سے معطل کیا گیا ہے۔

آپ کو بتا دیں کہ اس معطلی کے بعد بھی جڈیجہ کے کھاتے میں 6ڈمیرٹ پوائنٹ (منفی پوائنٹس)نظم و ضبط ریکارڈ میں رہیں گی۔آگے 24ماہ میں یہ تعداد 8یا اس سے زیادہ ہو جاتی ہے، تو یہ چار معطلی پوائنٹ میں تبدیل ہو جائے گی۔یہ چار معطلی پوائنٹس دو ٹیسٹ یا چار ون ڈے یا چار ٹی 20انٹرنیشنل میچ پر پابندی کی مانند ہے۔ان میں سے جو بھی کھلاڑی پہلے کھیلے گا اسے معطل کیا جاتا ہے۔کولمبو ٹیسٹ سمیت گزشتہ 24ماہ میں جڈیجہ کے خلاف ڈمیرٹ پوائنٹ 6تک پہنچ گیا تھا،جس کے بعد آئی سی سی نے جڈیجہ کے خلاف یہ ایکشن لیا۔آئی سی سی نے کارروائی کے طور پر میچ فیس کا 50فیصد جرمانہ کے علاوہ تین ڈمیرٹ پواٹ ان پر لگائے ہیں۔
کولمبو ٹیسٹ کے تیسرے دن، جب سری لنکا کی ٹیم دوسری اننگز میں فالو آن کھیلنے اتری، تو ان کی اننگز کے 58ویں اوور میں رویندر جڈیجہ نے اپنے فالو تھرو میں گیند کو فیلڈ کرکے کریز پر موجود سری لنکا کے بلے باز دمتھ کرارتنے پر غیر ضروری تھرو کر دیا، جبکہ بلے باز نے رن لینے کوشش بھی نہیں کی تھی۔جڈیجہ کو آئی سی سی کی دفعہ 2.2.8کی خلاف ورزی کا مجرم پایا گیا ہے۔اس کا صاف مطلب یہ ہے کہ غیر مناسب یا خطرناک طریقے سے کسی بھی کھلاڑی، کھلاڑی کے معاون، امپائر یا میچ ریفری کی جانب گیند یا کوئی دیگر سامان اس طرح کی بوتل وغیرہ پھینکنا غلط ہے۔

اس سے پہلے جڈیجہ پر ضابطہ اخلاق کی دفعہ 2.2.11کی خلاف ورزی کے معاملے میں اکتوبر 2016میں نیوزی لینڈ کے خلاف اندور ٹیسٹ کے دوران 50جرمانے کے ساتھ تین ڈمیرٹ پواٹ لگائے گئے تھے۔تب جڈیجہ کو دو بار غیر رسمی اور ایک سرکاری انتباہ بھی دیاگیاتھا۔

ایک نظر اس پر بھی

تیز گیند باز محمد سراج اور شریس ایّر نیوز لینڈ کے خلاف کھیلے جانے والے ٹی 20میاچ کی ہندوستانی ٹیم میں شامل

کپتان وراٹ کوہلی نے ابھی تک آرام نہیں کیا ہے جبکہ حیدرآباد کے کھلاڑی  محمد سراج اور ممبئی کے بیٹسمین شریس ایّرکو 1 نومبر سے نیوزی لینڈ کے خلاف تین میچ کی ٹی 20 سیریز کے لئے ہندوستانی ٹیم میں شامل کیا ہے۔

محمد عرفان کی ای سی ایل سے نام نکالنے کی درخواست

کرکٹر محمد عرفان نے ای سی ایل سے نام نکالنے کے لیے عدالت میں درخواست دائر کردی۔محمد عرفان نے لاہور ہائیکورٹ میں درخواست دائر کی ہے جس میں وزارت داخلہ، پی سی بی اور دیگر کو فریق بنایا گیا ہے۔