کل جمعرات 27 اپریل کوہوگا الجامعہ اسپورٹس سینٹر کی سلورجوبلی کا شاندار جلسہ؛ ہونہار طلبہ و طالبات کو دئے جائیں گے انعامات

Source: S.O. News Service | By I.G. Bhatkali | Published on 26th April 2017, 2:21 AM | ساحلی خبریں | ان خبروں کو پڑھنا مت بھولئے |

بھٹکل 25اپریل (ایس او نیوز) کل جمعرات 27 اپریل کو جامعہ آباد کا معروف ادارہ الجامعہ اسپورٹس سینٹر کے قیام کے 25 سال مکمل ہونے پر سلورجوبلی کی شاندار تقریب منعقد کی گئی ہے جس میں علاقہ کے ہونہار طلبہ و طالبات سمیت کئی اہم شخصیات کو اُن کی مختلف خدمات کے اعتراف میں انعامات و اعزازات سے نوازا جائے گا۔

پروگرام کے تعلق سے اخبارنویسوں کو تفصیلات فراہم کرتے ہوئے پروگرام کے کنوینر رفاقت قاسم بھنڈی نے بتایا کہ جمعرات کو عصر سے ہی پروگرام کا آغاز ہوگا جس میں بچوں کے مختلف پروگرامس ہوں گے، البتہ رات نو بجے اہم جلسہ بعنوان " اسلامی معاشرہ اور تعلیمی بیداری" منعقد کیا گیا ہے جس میں بھٹکل کے معروف عالم دین اور مولانا ابوالحسن ندوی اسلامک اکیڈمی کے جنرل سکریٹری مولوی الیاس جاکٹی ندوی مہمان خصوصی کے طور پرخطاب فرمائیں گے۔ جامعہ اسلامیہ کے مہتمم مولانا مقبول کوبٹے ندوی اور کینرا مسلم خلیج کونسل کے جنرل سکریٹری جناب ابومحمد محی الدین مختصرسمیت دیگر کافی معزز شخصیات اس موقع پر موجود ہوں گی۔

رفاقت نے بتایا کہ جلسہ میں علاقہ کے ہونہاور طلبہ و طالبات سمیت حافظ قران، عالم، معلمہ اور سماجی کارکن، علاقہ کے پہلے سی اے، پہلے ایم بی اے، پہلے انجینر اسی طرح اسپورٹس میں بہترین کھیل کا مظاہرہ پیش کرنے والوں کو بھی انعامات و اعزازات سمیت اُن کی مہمانوں کے ہاتھوں تہنیت کی جائے گی۔

عربیہ تعلیم القران تینگنگونڈی کے صدر جناب محمد غوث موسیٰ بنگالی پورے پروگرام کی صدارت کریں گے۔

الجامعہ کے صدرعرفان کمپا اور جنرل سکریٹری محمد سفیان عباس دڈی نے عوام الناس سے اس پروگرام میں کثیر تعداد میں شریک ہونے اور طلبہ و نوجوانوں کی ہمت افزائی کرنے کی درخواست کی ہے۔

خیال رہے کہ گلف اور دیگر دو ر دراز رہنے والے لوگوں کی سہولت کے لئے پورے پروگرام کو ساحل آن لائن یو ٹیوب چینل پر لائیو ٹیلی کاسٹ کیا جائے گا۔ لائیو ٹیلی کاسٹ کے لئے عوام الناس سے درخواست کی گئی ہے کہ وہ www.youtube.com/sahilonlinevideo چینل پر جاکر پہلی فرصت میں سبسکرائب پر کلک کریں ، تاکہ پروگرام کا لائیو اسٹارٹ ہوتے ہی موبائل پر فوری پیغام موصول ہوسکے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...