چامنڈیشوری حلقے سے میری جیت یقینی: سدرامیا

Source: S.O. News Service | By Shahid Mukhtesar | Published on 17th April 2018, 1:10 AM | ریاستی خبریں |

بنگلورو، 16؍اپریل(ایس او نیوز) وزیر اعلیٰ سدرامیا نے آج میسور میں اپنے چامنڈیشوری اسمبلی حلقے میں زور دار انتخابی مہم کی شروعات کی اور اس حلقے سے انہیں شکست دینے جنتادل (ایس) کے ریاستی صدر ایچ ڈی کمار سوامی کے اعلان پر طنز کرتے ہوئے سدرامیا نے سوال کیا کہ چامنڈیشوری عوام کے ووٹ کیا کمار سوامی اپنی جیب میں رکھ کر گھوم رہے ہیں؟۔ انہوں نے کہاکہ جمہوری نظام کے تحت اس طرح کاغیر ذمہ دارانہ بیان کسی کو نہیں دیناچاہئے۔ انہوں نے کہاکہ ورونا اسمبلی حلقے سے ان کے فرزند ڈاکٹر یتیندرا اور چامنڈیشوری اسمبلی حلقے سے ان کی کامیابی یقینی ہے۔ میسور آمد پر ایرپورٹ میں اخباری نمائندوں سے بات چیت کرتے ہوئے وزیراعلیٰ نے کہاکہ کمار سوامی کو اگر ریاست کے ہر حلقے میں جیت کا اتنا ہی یقین ہے تو پھر پچھلے لوک سبھا انتخابات میں چکبالاپور حلقے سے ویرپا موئیلی سے کیوں ہار گئے؟۔ چن پٹن اسمبلی حلقے سے جب ان کی بیوی ہار گئیں تو اس وقت کمار سوامی کے جیب میں وہاں کے عوام کے ووٹ نہیں تھے؟۔ انتخابات میں جیت اور ہار کا فیصلہ عوام کرتے ہیں امیدوار نہیں۔ بادامی حلقے سے ٹکٹ نہ ملنے کے متعلق سدرامیا نے کہا کہ انہوں نے کبھی اپنے طور پر یہ اعلان نہیں کیا تھاکہ وہ بادامی اسمبلی حلقے سے چناؤ لڑیں گے۔ پارٹی کے بعض لیڈروں نے ان سے اصرار کیا تھا ۔سابق وزیراعظم دیوے گوڈا کے اس بیان پر کہ چامنڈیشوری حلقہ سدرامیا کے سیاسی انجام گاہ بنے گا۔ سدرامیا نے کہاکہ یہ آنے والا وقت ہی بتائے گا کہ سیاسی میدان میں آغاز کس کا ہوگا اور انجام کس کا۔ 
 

ایک نظر اس پر بھی

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بنگلورو کے تینوں پارلیمانی حلقوں میں ڈی سی پیز کی زیرنگرانی سخت بندوست لائسنس یافتہ 7؍ہزار ہتھیارات تحویل میں :پولیس کمشنر ٹی۔ سنیل کمار

پولیس کمشنر ٹی۔ سنیل کمار نے بتایا کہ بنگلور سنٹرل ،بنگلور نارتھ اور بنگلور ساؤتھ لوک سبھا حلقوں میں ہونے والے پارلیمانی انتخابات کے لئے ڈپٹی کمشنر آف پولیس (ڈی سی پی) سطح کے پولیس افسروں کی نگرانی میں پولیس کا سخت بندوبست کیاگیا ہے۔

کرناٹک میں انتخابات متحد ہوکر لڑنے کانگریس جے ڈی ایس کا فیصلہ 

اگلے لوک سبھا انتخابات کی تیاریوں کے درمیان کانگریس اور جے ڈی ایس کو مقامی سطحوں پر جن مشکلوں کاسامنا کرنا پڑرہاہے ان سے نپٹنے اور متحد ہوکر انتخابات لڑنے کے ساتھ ریاست میں زیادہ سے زیادہ سیٹوں پر کامیابی حاصل کرنے کے لیے آج کانگریس اور جے ڈی ایس قائدین کااعلیٰ سطحی اجلاس ہوا۔ ...

دھارواڑمیں زیر تعمیر عمارت گر گئی ، 2افراد ہلاک ، کئی زخمی 

دھارواڑ میں زیر تعمیر 5منزلہ عمارت بیٹھ گئی جس کے سبب 2افراد ہلاک اورکئی افراد کے زخمی ہونے کی اطلاع ملی ہے ۔ اس حادثے میں سلیم مکاندار (28)ہلاک ہوگئے ہیں ۔ دھارواڑ کے کمار میشورنگر میں زیر تعمیر کامپلکس گرگیا۔ ملبے کے نیچے دبے ہوئے افراد کو باہر نکالنے کے لیے محکمۂ پولیس ، فارئر ...