بنگلورو، 22ستمبر (ایس او نیوز؍عبدالحلیم منصور) سابق وزیر اعلیٰ اور بی جے پی لیڈر ایس ایم کرشنا کے داماد سدھارتھ کے مکان اور ان کے کیفے کافی ڈے آؤٹ لیٹ پر انکم ٹیکس محکمہ نے جو چھاپے مارے ان کے متعلق وزیراعلیٰ سدرامیا نے کچھ بھی کہنے سے انکار کردیا۔آج میسور میں اخباری نمائندوں سے بات چیت کے دوران جب اس سلسلے میں سوال کیا گیا تو سدرامیا نے کہاکہ اس سلسلے میں انہیں کوئی جانکاری نہیں ہے۔ دسہرہ تقریبات کے افتتاح کیلئے کل میسور پہنچنے والے سدرامیا نے آج اخباری نمائندوں سے بات چیت کے دوران کہاکہ بلاری میں سرکاری تقریبات میں شرکت کیلئے وہ روانہ ہورہے ہیں ،انہوں نے کہاکہ انکم ٹیکس محکمہ کی طرف سے کیفے کافی ڈے یا سدھارتھ کے خلاف کارروائی کی گئی اس تعلق سے ان کے پاس کوئی تفصیلات نہیں ہیں۔