قمر الاسلام کی برطرفی کے خلاف گلبرگہ بند مکمل
بنگلورو۔26جون(ایس او نیوز) ریاستی وزرارت سے ڈاکٹر قمر الاسلام کی بے دخلی کے خلاف احتجاج کیلئے سنیچر کو مکمل گلبرگہ بند کا اہتمام کیاگیا۔ اس بند کی وجہ سے شہر گلبرگہ کی اہم سڑکیں ویران رہیں۔ سرکاری بسیں بھی سڑکوں سے غائب رہیں۔ ڈاکٹر قمر الاسلام کو وزیراعلیٰ سدرامیا کی طرف سے بغیر پیشگی اطلاع کے برطرف کئے جانے اور وزارت میں انہیں دوبارہ بحال کرنے کی مانگ پرزور دینے کیلئے گلبرگہ میں رضاکارانہ طور پر اس بند کا اہتمام کیاگیا۔ جابجا قمر الاسلام کے حامیوں کی طرف سے احتجاجی مظاہرے بھی کئے گئے ۔ بند کے دوران کسی طرح کا ناخو شگوار واقعہ پیش نہ آئے اس کیلئے معقول پولیس بندوبست کیاگیاتھا۔