یوم القدس‘ کے موقع پر عالم اسلام میں فلسطینیوں سے یکجہتی مظاہرے

Source: S.O. News Service | By Shahid Mukhtesar | Published on 10th June 2018, 12:09 PM | عالمی خبریں |

بغداد 9جون( ایس او نیوز؍آئی این ایس انڈیا )فلسطین سمیت کل جمعہ کے روز پوری مسلم دنیا میں’عالمی یوم القدس‘ کی مناسبت سے لاکھوں فراد نے ہزاروں مقامات پرفلسطینیوں کی حمایت میں جلوس نکالے اور ریلیاں منعقد کیں۔اطلاعات کے مطابق کل جمعہ کے روز عراق سمیت کئی عرب ممالک، ایران، پاکستان، انڈونیشیا، ملائیشیا اور دوسرے ممالک میں ’یوم القدس‘ کی مناسبت سے ریلیاں نکالیں۔ اس موقع پرمسلمان علماء اور ائمہ کرام نے نماز جمعہ کے اجتماعات میں مظلوم فلسطینی قوم کے حقوق اور ان کے مسائل پر روشنی ڈالی۔ نماز جمعہ کے اجتماعات کے بعد لاکھوں فرزندان توحید نے فلسطینی قوم کی آزادی اور مظالم سے نجات کے لیے دعائیں کیں۔خیال رہے کہ ماہ صیام کے آخری جمعہ ’جمعۃ الوداع‘ کے اور عالمی یوم القدس کے طورپر منانے کا اعلان کیا تھا جس کے بعد دنیا بھر میں پھیلے مسلمان ہرسال رمضان المبارک کے آخری جمعہ کو عالمی یوم القدس مناتے ہیں۔مسلمان ممالک میں نکالے جانے والے جلوسوں اور فلسطینیوں سے اظہار یکجہتی کے مظاہروں کے دوران مقررین نے صہیونی ریاست اور امریکی پالیسیوں کی بھی شدید مذمت کی۔ اس موقع پرمسلمان مقررین نے دفاع القدس کے لیے موثر حکمت عملی وضع کرنے، عرب لیگ، اوآئی سی اور دیگر عالمی تنظیموں کی فلسطین کے بارے میں منظور کردہ قراردادوں پر ان کی روح کے مطابق عمل درآمد پر زور بھی دیا۔

ایک نظر اس پر بھی

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...