پریش میستا قتل معاملہ کی این آئی اے سے تحقیقات کا مطالبہ، منصفانہ جانچ نہیں ہوئی تو ساحلی علاقہ جل اٹھے گا: شو بھا کرند لاجے کا انتباہ

Source: S.O. News Service | By Shahid Mukhtesar | Published on 13th December 2017, 12:11 PM | ساحلی خبریں | ریاستی خبریں |

بنگلورو،12؍دسمبر (ایس او نیوز)بھارتیہ جنتا پارٹی ( بی جے پی ) کی ریاستی جنرل سکریٹری ورکن پارلیمان شو بھا کرند لاجے نے خبردار کیا ہے کہ اگر ہوناور کے پریش میستا قتل کی تحقیقات ریاستی حکومت مناسب طریقہ سے نہیں کرے گی تو ساحلی علاقہ جل اٹھے گا۔ ریاستی بی جے پی رہنماؤں کی جانب سے ہوناور سمیت ریاست کے دیگر علاقوں میں ہوئے ہندؤ ں کے قتل کی تحقیق قومی تفتیشی ٹیم (این آئی اے ) کو سونپنے کا مطالبہ کرتے ہوئے ودھان سودھا کے قریب ڈاکٹر بی آر امبیڈ کر مجسمہ سے راج بھون تک جلوس نکال کر گورنر کو یادداشت پیش کی گئی ۔ اس موقع پر اخباری نمائندوں سے بات کرتے ہوئے شوبھا کرندلاجے نے یہ دھمکی دی اور کہا کہ ریاست میں 20سے زیادہ سنگھ پریوار کے کارکنوں کا قتل کیا گیا ہے ۔ لیکن آج تک ایک معاملہ بھی حکومت نے حل نہیں کیا لیکن اگر پریس میستا قتل معاملہ کی مناسب تحقیق نہیں ہوئی تو ساحلی علاقہ جل اٹھے گا۔ انہوں نے الزام لگایا کہ پریش میستا کی موت کی وجوہات کا پتہ لگاتے ہوئے فورنسک جانچ کی رپورٹ کو بھی مسخ کیا گیا ہے۔ کیونکہ رپورٹ نے اسے فطری موت قرار دیا ہے۔ کرندلاجے نے بتایا کہ ساحلی علاقوں میں داعش کے لئے بھرتی کے بھی اطلاعات ہیں۔ انہوں نے الزام لگایا کہ مسلم غنڈوں کی حمایت مقامی پولیس افسران کمار سوامی اور اگنیش کررہے ہیں۔ جبکہ قومی بھگتوں پر وزیر اعلیٰ سیاست کررہے ہیں۔ کرندلاجے نے بتایا کہ کہ میستا کو گرم تیل میں ڈال کر قتل کیا گیا ہے۔ اس کے ہاتھ پر لکھے شری رام نعرے کو مٹا دیا گیا ہے۔ اس کا رنگ بالکل گورا تھا لیکن موت کے بعد سیاہ کیسے ہوگیا ؟ قانون ساز کونسل کے اپوزیشن لیڈر کے ایس ایشورپا نے بتایا کہ آئی جی پی ہیمنت نمبا لکر وزیر اعلیٰ سدرامیا کے غلام جیسا برتاؤ کررہے ہیں اور اس معاملہ کو خود وزیر اعلیٰ دبانے کی کوشش کررہے ہیں اس لئے یہ معاملہ سی بی آئی یا این آئی اے کو سونپا جائے ۔ سابق نائب وزیر اعلیٰ آر اشوک نے کہا کہ وزیر اعلیٰ سدارامیا ایک فرقہ کی حمایت کررہے ہیں جبکہ مسلسل ہندو کارکنوں کا قتل ہونے کے باوجود کوئی کارروائی نہیں کی جارہی ہے۔ انہوں نے الزام لگایا کہ ریاستی حکومت قاتلوں کی پشت پناہی کررہی ہے جبکہ میستا کی پوسٹ مارٹم کے متعلق شکوک شبہات نے جنم لیا ہے کیونکہ تمام معاملات میں ڈاکٹر پوسٹ مارٹم رپورٹ جارہی کرتے ہیں لیکن اس معاملہ میں سب انسپکٹر نے رپورٹ پیش کی ہے۔ انہوں نے بتایا کہ ہندو کارکنوں کے قتل کے معاملات کو این آئی اے کے حوالے کرنے کا مطالبہ مرکزی وزیر داخلہ راج ناتھ سنگھ سے کیا جائے گا۔ اس موقع پر رکن پارلیمان پی سی موہن، ریاستی بی جے پی جنرل سکریٹری اروند لمباولی، رکن اسمبلی سریش کمار، وشواناتھ ، نارائن سوامی، اشوتھ نارائن و دیگر موجود تھے۔ 

وزیر اعلیٰ کا بیان: سر سی گڑبڑ پر ردعمل ظاہر کرتے ہوئے وزیر اعلیٰ سدارامیا نے اس تشدد کے لئے بی جے پی کو ذمہ دار قرار دیا اور کہا کہ بی جے پی پریش میستا کی موت کو سیاسی فائدہ کے لئے استعمال کررہی ہے ۔ انہوں نے ٹوئیٹ کیا ہے کہ ایک نوجوان پریش میستا کی موت کو سیاسی مقصد کے لئے استعمال کرنا بی جے پی کو زیب نہیں دیتا۔ اس سے بی جے پی کی غیر ذمہ دار حرکت کا پتا چلتا ہے ۔ ریاستی وزیر داخلہ امور رام لنگا ریڈی نے دعویٰ کیا ہے کہ بی جے پی نے عمداً معاملہ کو ہوا دے کر تشدد بھڑکا یا ہے۔ آئندہ سال ہونے والے اسمبلی انتخابات کو ذہن میں رکھ کر بی جے پی نے یہ حرکت کی ہے ۔ بی جے پی کا مقصد ہی ریاست کے امن و امان میں خلل ڈالنا ہے لیکن وہ بی جے پی کی اس سازش کو کامیاب ہونے نہیں دی گے۔ 

بی جے پی کا ردعمل: پریش میستا کی موت کو بی جے پی نے قتل قرار دیتے ہوئے کہا ہے کہ اس کے پیچھے جہادی گروپ کا ہاتھ ہے۔ اس معاملہ کی جانچ این آئی اے کے ذریعہ کرانے کا مطالبہ کرتے ہوئے بی جے پی لیڈروں نے ریاستی گورنر وجوبھئی والا کو عرضداشت پیش کی ہے ۔ بی جے پی لیڈر کے ایش ایشورپا کی قیادت میں ودھان سودھا تا راج بھون بی جے پی لیڈروں نے احتجاجی مارچ کیا ۔ کہاجارہا ہے کہ پریش میستا ہندو توا کا کارکن تھا۔ ایشورپا نے الزام لگایا کہ حکومت کرناٹک اب کیرالا میں تبدیلی ہورہی ہے۔ انہوں نے یہ بھی الزام لگایا کہ اس معاملہ کو بند کرنے ریاستی حکومت کی ایما پر ڈاکٹروں نے پوسٹ مارٹم رپورٹ میں اس فطری موت قرار دیا ہے جس میں پولیس بھی ملوث ہے۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔