شیوسینا کا بی جے پی پر حملہ، ممبئی میں پوسٹر لگا کر پوچھا، یہی ہیں اچھے دن؟
ممبئی،09؍ ستمبر (ایس او نیوز؍آئی این ایس انڈیا)گزشتہ کئی دنوں سے ملک بھرمیں پیٹرول اور ڈیزل کی مار سے ملک کے عوام تباہ ہے۔ پٹرول ڈیزل کے دام میں مسلسل تیزی دیکھنے کو مل رہی ہے اور گاڑی والے پریشان ہو رہے ہیں، جس کی وجہ سے اب مودی حکومت اپوزیشن کے ساتھ ساتھ اس کی اپنی ساتھی کے نشانے پر آ گئی ہے۔ پٹرول ڈیزل کے مسلسل بڑھ رہے داموں کے درمیان کانگریس کے ساتھ ساتھ این ڈی اے کی اتحادی شیوسینا نے بھی بی جے پی پر حملہ بولا ہے اور پی ایم مودی کے نعرے ’’اچھے دن‘‘پر طنز کسا ہے. شیوسینا ابھی پٹرول۔ڈیزل کے دام پر کھل کر بی جے پی کے سامنے آ گئی ہے اور بینر۔پوسٹر کے سہارے مورچہ کھول دیا ہے۔ شیوسینا نے پٹرول اور ڈیزل کے دام میں اضافہ کو لے کر مرکزی حکومت پر نشانہ لگایا ہے اور ممبئی میں کئی جگہ پوسٹر بینر لگایا ہے۔دراصل خبررساں ایجنسی اے این آئی نے دوتصاویر جاری کی ہیں، جن میں پٹرول کی قیمتوں کاذکرکیاگیاہے۔ شیوسینا نے جو پوسٹر لگایا ہے، اس میں 2015 اور 2018 میں تیل کی قیمتوں کے فرق کے اعداد و شمار کودکھایا ہے اور حکومت سے پوچھا ہے کہ۔ کیا یہی ہیں اچھے دن؟
