ممبئی :12/دسمبر(ایس او نیوز/آئی این ایس انڈیا)ملک کی تین ریاستوں میں اقتدار گنوانے والی بی جے پی پر طنز کرتے ہوئے شیوسینا نے بدھ کو کہا کہ انتخابات کے نتائج بتاتے ہیں کہ ان ریاستوں کے عوام نے بی جے پی مکت کا پیغام دیا ہے۔ مرکز اور مہاراشٹر میں بی جے پی کے اس کی اتحادی پارٹی نے کہا عوام نے زیادہ اڑنے والوں کو زمین بوس کردیاہے۔ آر بی آئی گورنر رہے ارجت پٹیل کے استعفیٰ پر رائے دیتے ہوئے پارٹی نے اپنے ترجمان اخبار سامنا کے اداریہ میں لکھا ہے کہ ملک کو چار پانچ کاروباریوں کے دماغ سے چلایا جا رہا ہے اور اس سے ریرزو بینک جیسا ادارہ ٹوٹ رہا ہے۔ سامنا میں شیوسینا نے کہا کہ ان نتائج سے وزیر اعظم نریندر مودی اور بی جے پی صدر امت شاہ نے کانگریس مکت بھارت کا جو خواب دیکھا تھا، وہ بی جے پی حکومت والی ریاستوں میں ہی خاک میں مل گیا ہے۔ ان ریاستوں کے عوام نے ہی بی جے پی مکت کا پیغام دیا ہے۔ اس میں کہا گیا ہے کہ حکومت کی صرف انتخابات لڑ کر جیت ہوتی ہے، اس ملک میں بی جے پی کے علاوہ اور کوئی پارٹی نہ ٹکے اور نہ باقی اور بی جے پی کے بھروسے رہے، اس رجحان کی شکست چار ریاستوں میں ہوئی ہے۔ واضح ہو کہ کل آئے پانچ ریاستوں کے انتخابات کے نتائج میں بی جے پی کو ’’ذلت آمیز ‘‘ شکست کا منہ دیکھنا پڑا ہے۔ بی جے پی نے اپنے حصے کے تین ریاست مدھیہ پردیش، راجستھان اور چھتیس گڑھ تو گنوا ہی دیئے ساتھ اس میزورم اور تلنگانہ میں کوئی کامیابی نہیں ملی ہے۔ وہیں کانگریس نے ان تین ریاستوں میں اپنی انٹری کی ہے۔ میزورم میں میزو فرنٹ اور تلنگانہ میں ٹی آر سی نے اقتدار حاصل کیا ہے۔