روپے کی گرتی قیمت کو لے کر شیوسینا کا مرکزی حکومت پر نشانہ

Source: S.O. News Service | By Shahid Mukhtesar | Published on 6th September 2018, 12:42 PM | ملکی خبریں | ان خبروں کو پڑھنا مت بھولئے |

نئی دہلی6ستمبر ( ایس او نیوز؍آئی این ایس انڈیا ) شیوسینا نے روپے کی گرتی قیمت اور پٹرول ڈیزل کی بڑھتی ہوئی قیمتوں کو لے کر مرکزی حکومت کی تیکھی تنقید کی ہے۔ شیوسینا نے کہا کہ ملک بنانا ری پبلکن بننے کی راہ پر ہے۔ پارٹی نے طنز کرتے ہوئے کہا کہ ڈالر کے مقابلے روپیہ سب سے کم سطح تک پہنچ گیا ہے وہیں وزیر اعظم نریندر مودی ملک کی معیشت کے تباہ ہونے کے لیے کانگریس کو ذمہ دار بتا رہے ہیں، جو مکمل طور پر غلط ہے۔ پارٹی نے اپنے ترجمان اخبار سامنا کے اداریہ میں لکھا کہ مرکزی حکومت یہ بھول رہی ہے کہ گزشتہ چار سال سے وہ اقتدار میں ہے۔ اس دوران پٹرول، ڈیزل کی قیمتیں آسمان چھو رہی ہیں۔ پٹرول جلد ہی 100 روپے پر پہنچ جائے گی، بڑی تعداد میں بے روزگار نوجوان سڑکوں پر اتریں گے اور افراتفری ہوگی، یہی وجہ ہے کہ آج کسان دکھی ہیں۔کھانے کی اشیاء ، رسوئی گیس اور سی این جی کی قیمتوں میں بھی مسلسل اضافہ ہو رہا ہے۔ شیوسینا نے کہا کہ ملک کی تصویر دل دہلانے والی ہے اور ہم بنانا ری پبلکن بننے کی راہ پر چل رہے ہیں۔ غور طلب ہے کہ سیاسی اصطلاح میں بنانا ری پبلکن سیاسی طور پر غیر مستحکم ملک کو کہتے ہیں جس کی معیشت کچھ ایک مصنوعات مثلا کیلاوغیرہ کی برآمد پر ٹکی ہوتی ہے۔ اداریہ میں کہا گیا ہے کہ اگر روپے کی قیمت اسی طرح گرتی رہی تو یہ جلد ہی 100 روپے فی امریکی ڈالر کی سطح سے تجاوز کر جائے گا۔ شیوسینا نے کہا کہ جب بی جے پی اپوزیشن میں تھی تو کہا کرتی تھی کہ روپے کی قیمت گرنے سے ملک کی ساکھ بھی گرتی ہے۔پارٹی نے مرکزی حکومت پر طنز کیا کہ اب اگر روپیہ 100 روپے فی امریکی ڈالر کے قریب پہنچ رہا ہے تو کیا یہ کہا جا سکتا ہے کہ ہمارے ملک کی تصویر سدھر رہی ہے؟اداریہ میں کہا گیا کہ پالیسی کمیشن ملک کی معیشت کو تباہ کرنے کا الزام ڈوبے قرض کی وصولی کے لئے اٹھائے گئے اقدامات کے لئے آر بی آئی کے سابق گورنر رگھو رام راجن پر پرڈال رہا ہے؛ لیکن روپے کی قیمت اس سے بہت نیچے پہنچ گئی ہے جو راجن کی مدت کے دوران تھی۔شیوسینا نے دعوی کیا ہے کہ راجن نے حکومت کے نوٹ بندی کے فیصلے کی مخالفت کی تھی۔ وہ اس کے پرچار کے لئے ہزاروں کروڑ روپے خرچ کرنے کے تئیں مرکز کے خلاف تھے۔ اس میں کہا گیا ہے کہ یہ دنیا کی چھٹی سب سے بڑی معیشت کی علامات نہیں ہیں، ملک کی لڑکھڑاتی معیشت کے لئے کانگریس اور رگھو رام راجن کو ذمہ دار ٹھہرانا ایک مذاق ہے۔ ہمیں بتائیے کہ آپ نے کیا کیا؟ لیکن حکومت کے پاس کہنے کے لئے کچھ بھی نہیں ہے۔

ایک نظر اس پر بھی

پٹرول ڈیزل کی قیمتوں میں اضافہ بدستور جاری

پٹرول ڈیزل کی قیمتوں میں آج ایک بار پھر اضافہ ہوا ہے۔پٹرول 17 پیسے اور ڈیزل 10 پیسے مہنگا ہوا ہے۔اضافے کے بعد راجدھانی دہلی میں ایک لیٹر پیٹرول کی قیمت 82.61 روپے فی لیٹر ہو گئی ہے۔وہیں ڈیزل 73.97 روپے فی لیٹر ہو گئی۔ راجدھانی دہلی میں کل پٹرول 82.44 روپے فی لیٹر اور ڈیزل 73.87 روپے فی لیٹر ...

رافیل کو لے کر فرانس کے سابق صدر اولند کے تبصرے پر بولے ارون جیٹلی؛ وہ اپنی ہی بات کاٹ رہے ہیں

رافیل سودے میں ریلائنس کے لئے لابنگ کرنے کے الزام میں گھری مودی حکومت کے دفاع میں وزیر خزانہ ارون جیٹلی نے فیس بک پر پوسٹ لکھا ہے۔جیٹلی نے فرانس کے سابق صدر فرانسوا اولند کے اس بیان پرسوال اٹھائے ہیں کہ جس میں انہوں نے کہا ہے کہ حکومت ہند نے ہی ریلائنس کا نام تجویز کیا تھا اور اس ...

اکتوبر 2 سے لوک سبھا الیکشن لڑنے کے لئے کانگریس گھر گھر جا کر مانگے گی چندہ

لوک سبھا انتخابات کی تیاریوں میں مصروف کانگریس آئندہ دو اکتوبر سے ’ڈور ٹو ڈور ‘رابطہ مہم شروع کرنے جا رہی ہے جس میں وہ لوگوں سے ووٹ کے ساتھ ساتھ انتخابی چندہ بھی مانگے گی۔پارٹی نے دو اکتوبر سے 19 نومبر تک چلنے والے اس مہم کو ’عوامی رابطہ مہم‘ کا نام دیا ہے۔کانگریس صدر راہل ...

ہریانہ گینگ ریپ کیس: مفروراہم ملزم فوج کے جوان پنکج اور منیش کو پولیس نے کیا گرفتار

ہریانہ گینگ ریپ معاملے میں تقریباً واقعہ کے 10 دن بعد ریاست کی پولیس نے اس معاملے میں مفروردو ملزمان کو اتوار کو گرفتار کر لیا۔پولیس ڈائریکٹر جنرل (ڈی جی پی)بی ایس سندھونے کہا کہ منیش اور بری فوج کے جوان پنکج کی گرفتاری کے ساتھ ہی اس کیس میں شامل تمام اہم ملزمان کو گرفتار کیا جا ...

سعودی عربیہ کاقومی دن:دہلی میں شاندا ر تقریبات کا اہتمام

سعودی عربیہ کے قومی دن کے موقع پر سعودی سفیر ڈاکٹر سعود محمد الساطی نے کل یہاں ایک پروقار اور شاندا ر تقریب کا اہتمام کیا جس میں انفارمیشن و ٹکنالوجی اور کلچر و سیاحت کے مرکزی وزیر مملکت الفونس جوسف کنن تھنم مہمان خصوصی کے طورپرشریک ہوئے۔

پٹرول ڈیزل کی قیمتوں میں اضافہ بدستور جاری

پٹرول ڈیزل کی قیمتوں میں آج ایک بار پھر اضافہ ہوا ہے۔پٹرول 17 پیسے اور ڈیزل 10 پیسے مہنگا ہوا ہے۔اضافے کے بعد راجدھانی دہلی میں ایک لیٹر پیٹرول کی قیمت 82.61 روپے فی لیٹر ہو گئی ہے۔وہیں ڈیزل 73.97 روپے فی لیٹر ہو گئی۔ راجدھانی دہلی میں کل پٹرول 82.44 روپے فی لیٹر اور ڈیزل 73.87 روپے فی لیٹر ...

روپے کی قدر میں گراوٹ:سستاحج کرانے کادعویٰ بھی فرضی؟ حجاج کرام پر بوجھ میں اضافہ ،مزید پیسے وصولے جاسکتے ہیں

سرکارایک طرف دعویٰ کررہی ہے کہ اس نے اس بارسستاحج کرایاہے ۔لیکن اب روپیے کی گراوٹ کی وجہ سے پھرحاجیوں سے وصولی کی جائے گی ۔عالمی بازار میں ڈالر کے مقابلے ہندوستانی کرنسی کی قدر میں ہورہی گراوٹ کی وجہ سے اب حجاج کرام پر مزید بوجھ پڑنے والاہے۔