شیوسینا کے پاس ہاتھ ملانے کے علاوہ کوئی چارہ نہیں:نتن گڈکری
ممبئی،24فروری(ایس او نیوز/آئی این ایس انڈیا)بی ایم سی انتخابات میں غیریقینی مینڈیٹ آنے کے ایک دن بعد سینئر بی جے پی لیڈر نتن گڈکری نے کہا کہ ممبئی میونسپل کنٹرول کے لئے ان کی پارٹی اور شیوسینا کے پاس ہاتھ ملانے کے علاوہ اورکوئی متبادل نہیں ہے۔گڈکری نے کہاکہ اب صورت حال ایسی ہے کہ دونوں پارٹیوں کے لئے ساتھ آنے کے علاوہ اور کوئی چارہ نہیں ہے۔انہوں نے بتایاکہ اس کے بارے میں حتمی فیصلہ وزیر اعلی دویندر فڑنویس اور شیوسینا صدر ادھو ٹھاکرے لیں گے۔دونوں سمجھدار ہیں اور میں اس بات پرپر یقین ہوں کہ وہ صحیح فیصلہ لیں گے۔گڈکری نے ایک مراٹھی ٹی وی چینل سے کہ مجھے لگتا ہے کہ دونوں پارٹیوں کے لیڈر سوجھ بوجھ اور پختگی کی مثال دیکر فیصلہ لیں گے۔انہوں نے شیوسینا کے ترجمان اخبار ”سامنا“میں وزیر اعظم نریندر مودی اور بی جے پی صدر امت شاہ کو نشانہ بنایا۔انہوں نے کہاکہ اگر ہمارے (بی جے پی)کے ساتھ دوستی رہے گی تب سامنا میں لکھی جا رہی باتیں نہیں لکھی جانی چاہئے۔ایسے میں کس طرح دوستی ہو سکتی ہے جب سامنا روزانہ وزیر اعظم اور ہماری پارٹی صدر کے بارے میں بدسلوکی باتیں لکھے گا؟۔گڈکری نے بتایاکہ مجھے لگتا ہے کہ بی جے پی اور شیو سینا کے درمیان اتنی کڑواہٹ نہیں آئی ہے کہ ان چیزوں سے بچا نہیں جا سکتا۔انہوں نے کہا کہ شیوسینا کو توجہ رکھنا چاہئے کہ دونوں جماعتوں کے درمیان سامنا کے ذریعہ تعلقات خراب نہیں ہونے چاہئے۔