بھٹکل:16؍فروری (ایس او نیوز)شرالی میں 45میٹر توسیع کی شاہراہ تعمیر کا مطالبہ لےکر شرالی گرام پنچایت کی قیادت میں جاری  غیر معینہ مدت کا دھرنا دوسرے دن بھی جاری رہا۔  

سنیچر دھرنے کے جائے وقوع پہنچے رکن اسمبلی سنیل نائک نے احتجاجیوں سے خطاب کرتے ہوئے کہاکہ شرالی کو اطراف سے روزانہ ہزاروں لوگ آتے رہتے ہیں، ہزاروں کی تعداد میں طلبا و طالبات کی چہل پہل رہتی ہے، ان حالات میں شرالی کے لئے 45میٹر کی شاہراہ ازحد ضروری ہے، معاملےکو لےکر دو مرتبہ ضلع ڈپٹی کمشنرسے ملاقات کرتے ہوئے عوام کی طرف سے اپیل دیاہوں۔ مرکزی وزیر اننت کمارہیگڈے نے بھی نیشنل اتھارٹی کو خط لکھا ہے، مرکزی وزیر برائے اراضی سے وزیر اننت کمار ہیگڈے ملاقات کرتے ہوئے اس سلسلے میں بات چیت کی ہے۔ وزیر گڈکری نے بات کو قبول  کرتے ہوئے شاہراہ کی تعمیر کے لئے رقم بھی منظور کر چکے ہیں۔ لیکن حکومت کرناٹکا کی طرف  سے زمین  حصول کردہ مرکز کو خط لکھنا باقی ہے، ڈی سی ، ریاستی حکومت اور نیشنل اتھارٹی کو پیش کش بھیجی گئی ہے، منظوری کا انتطار ہے۔ ریاستی ودھان سبھا اجلاس کے دوران وزیرا علیٰ سے ملاقات کرتے ہوئے انہیں بھی اپیل سونپا ہوں۔ ڈپٹی کمشنر جائے وقوع پہنچ کر 45میٹر کی توسیع والی شاہراہ تعمیر کا تیقن دینےتک یہ دھرنا جاری رہنےکی بات کہی۔ میں بھی شرالی کا ہوں، اس جدوجہد میں برابر کا شریک ہوں اور ہر طرح سے تعاون کے لئے تیار رہنے کا رکن اسمبلی نے تیقن دیا۔ اس سے قبل ضلع  پنچایت صدر جئے شری موگیر دھرنے میں شریک ہوکر اپنے خیالات کا اظہار کیا اور میمورنڈم حاصل کیا۔جائے وقوع پر موجود تحصیلدار وی این باڈکر کو بھی اپیل سونپی گئی ۔  اس موقع پر شرالی پنچایت کے صدر وینکٹیش نائک، ادیب آر وی صراف ، پربھاکر نائک، بھاسکر دئیمنے ، موہن دیواڑیگا، پرمود جوشی ، شنکر نائک، رام چندرنائک، ناگپا نائک، ناگیش دیواڑیگا، کوپیا گونڈ وغیرہ موجود تھے۔