بھٹکل:23اگست (ایس اؤنیوز)تعلقہ کے شرالی سے گزرنے والی قومی شاہراہ 66کو فورلین میں منتقل کئے جانے والے توسیعی تعمیری کام کو 45میٹر کی چوڑائی کے ساتھ ہی کئے جانے کا مطالبہ لے کر شرالی گرام پنچایت صدر وینکٹیش نائک کی قیادت میں گاؤں کے عوام نے بھٹکل اسسٹنٹ کمشنر کو میمورنڈم سونپا۔
اس موقع پر پنچایت صدر وینکٹیش نائک نے عوام سے خطاب کرتے ہوئے کہاکہ شرالی میں شاہراہ کی چوڑائی کم نہ کریں،شاہراہ کی چوڑائی 45سے 30میٹر تک کم کرنے سے شرالی گرام پنچایت حدود کے عوام اور مقامی سواریوں کے لئے کوئی بھی رابطہ روڈ کی تعمیر نہیں ہوسکتی۔ شرالی گرام پنچایت بہت وسیع و عریض ہے ، 15ہزار سے زائد کی آبادی ہے، مستقبل میں گاؤں مزید ترقی کرنے کے امکانات ہیں، شرالی کی مارکیٹ روزانہ گنجان رہتی ہے ، چھوٹی سڑک سے گنجانی مزید تنگ ہوگی اور حادثات کو دعوت دے گی، سرویس روڈ کے بغیر شاہراہ کی تعمیر غیر سائنٹفک ہے اور دوراندیشی کی کمی محسوس ہوتی ہے، اسی لئے افسران کسی بھی دباؤ میں آئے بغیر شرالی مارکیٹ علاقہ میں 45میٹر کی چوڑائی سے ہی فورلین کی تعمیر کریں۔ اگر ایسا نہیں ہوسکتاہے تو وینکٹاپور سے شارداہولے تک فلائی اوؤر کی تعمیر کرنےکی مانگ رکھی گئی ہے۔ اگر عوام اور عوامی نمائندوں کے مطالبات کو نظر انداز کرتے ہوئے فورلین کی تعمیر 30میٹر کی حد میں ہی کرنے کے لئے آگے بڑھیں گے تو ہم موقع نہیں دینےکی دھمکی دی ۔ اس موقع پر پنچایت ممبران موہن دیواڑیگا، بھاسکر دئیمنے ، جناردھن، یوگیش موگیر، ناگپا نائک، شری دھر موگیر، دیپا شرالیکر، نوتن پربھو، گریجا گونڈا، کمار نائک وغیرہ موجود تھے۔