شیعہ عالم سیف عباس نے آنجہانی اٹل بہاری واجپئی کے سوگ میں سادگی سے عید الاضحیٰ منانےکی اپیل کی
نئی دہلی ،19 ؍اگست (ایس او نیوز؍آئی این ایس انڈیا)بھارت رتن سابق وزیر اعظم اٹل بہاری واجپئی کے انتقال سے پورے ملک میں سوگ کی لہر ہے ۔ واجپئی کے انتقال سے ملک کا ذرہ ذرہ غم میں ڈوبا ہوا ہے۔ ان کے پارلیمانی علاقے میں لکھنؤ میں جمعہ کو بند کا اعلان بھی کیا گیا تھا ۔ تما م دکانیں ، بازار ، دفاتر اور اسکول بند رہے ۔ اٹل جی کیلئے کہا جاتا ہے کہ ان کے دل میں سبھی مذاہب کیلئے پیار اور محبت تھی۔ لکھنؤ کے مقامی لوگوں کو بھی ان سے اتنا ہی پیار تھا ۔
نیوز ایجنسی اے این آئی کو دئے بیان میں شیعہ عالم نے کہا کہ مسلم بھائیوں سے اپیل ہے کہ عید الاضحی ( بقر عید )کو سادگی سے منائیں کیونکہ اٹل بہاری واجپئی کے سوگ میں ہمارا قومی پرچم آدھاجھکاہواہے۔ مسلمان بھائی نماز پڑھیں ، قربانی دیں پر جشن نہ منائیں۔