شارجہ میں شانتی پرکاشن کی خوبصورت اختتامی تقریب : سینکڑوں کنڑیگاس کی شرکت
دبئی:13/ نومبر (ایس اؤنیوز)شارجہ میں منعقدہ بین الاقوامی بک فئیر میں ریاست کرناٹکا کی ریاستی زبان کنڑا کی تنہا نمائندگی کرنے والے ’’شانتی پرکاشن منگلورو‘‘کے کنڑا اسٹال کے اختتامی تقریب میں کئی ذمہ داران نے شرکت کی۔ خیال رہے کہ شارجہ بین الاقوامی بک فئیر عالمی سطح کا دوسرا بڑا بک فئیر مانا جاتاہے۔
شانتی پرکاشن کے صدر جناب اطہر اللہ شریف نے تقریب کی صدارت کی۔ مینجر جناب محمد کوئیں نے کلیدی خطاب کیا۔ کے این آر آئی فورم کے صدر اور فارچون گرانڈ کے مالک پروین کمار شٹی،ابو ظہبی کنڑا سنگھ کے صدر ، شارجہ بین الاقوامی بک فئیرمیں شانتی پرکاشن استقبالیہ کمیٹی کے صدر شری شرؤتم شٹی ، بیاری ویلفئیر فورم ابوظہبی کے صدر جناب محمد علی اچھیلا، کنڑا سنگھ ابوظہبی کے جنرل سکریٹری، ادیب منوہر تونسے ، عبداللہ مدومولے ، انڈین سوشیل فورم کے صدر وائی اے رحیم، گمت فن کار دبئی کے واسو شٹی ، شارجہ کنڑا سنگھ کے صدر سدن داس، کینرا خلیج کونسل کے صدر عبدالقادر باشاہ رکن الدین اور منجوناتھ بطور مہمان خصوصی کی حیثیت سے شریک تھے۔ اس کے علاوہ ریاست کرناٹکااور کنڑا زبان کے سینکروں عاشق پروگرام میں شریک ہوکر کامیاب بنایا۔
تقریب کا آغاز ابراہیم سعید وٹلا کی تلاوت قرآن مع کنڑا ترجمہ سے ہوا۔ عبدالسلام نے شانتی پرکاشن کا مختصر تعارف پیش کرتے ہوئے مہمانوں کا استقبال کیا۔ عبدالقادر کوکاجے نے نظامت کے فرائض انجام دئیے ۔ عبدالرشید، عمران احمد ، بشیر ، جعفر صادق، مبارک، عرفان احمد کی ٹیم نے فئیر میں بک اسٹال کی کامیابی کے لئے جو کوششیں کیں اس کے لئے ذمہ داران نے انہیں مبارکبادی پیش کی۔
واضح رہے کہ ریاست کرناٹکا میں شانتی پرکاشن کنڑازبان کا قدیم اور مشہور و معروف اسلامی کتب کی اشاعتی ادارہ ہے۔ جو اب تک کنڑا زبان میں 200 سے زائد اسلام کے مختلف عنوانات پر کتابیں شائع کرچکاہے۔ اسی ادارے کے ذریعے کنڑا میں ہفتہ واری رسالہ ’’سنمارگہ ‘‘ بھی شائع ہوتاہے۔
