گاندھی نگر21جولائی(ایس او نیوز/ آئی این ایس انڈیا)  کانگریس سے ناراض چل رہے شنکر سنگھ واگھیلا نے کانگریس سے ناطہ توڑتے ہوئے اپوزیشن لیڈر کے عہدے سے استعفیٰ دے دیاہے۔انہوں نے کہا کہ کانگریس نے مجھے24گھنٹے پہلے ہی نکال دیاتھا۔میں77ناٹ آوٹ ہوں۔

آر ایس ایس سے میرا پرانا ناطہ رہا ہے، مجھے اقتدار کی خواہش نہیں ہے۔مجھے شنکرنے زہرپیناسکھایاہے۔وہیں کانگریس نے اس پورے معاملے پر جوابی حملہ کرتے ہوئے کہا کہ انہوں نے واگھیلا پر کوئی کارروائی نہیں کی۔انہیں نہیں نکالاگیا۔پورے واقعات پرہماری نظررہتی ہے۔آج ان کی سالگرہ ہے اور اس موقع کو وہ زورآزمائی کے طورپربھناناچاہتے تھے۔

اس سے پہلے جمعرات کو وہ دہلی میں تھے۔ان کے اس دورے کو کانگریس قیادت پر دباؤ بنانے کی حکمت عملی کے طور پر دیکھا جا رہا تھا۔اس سال کے آخر میں گجرات میں انتخابات ہونے ہیں اور واگھیلا چاہتے تھے کہ پارٹی انہیں وزیراعلیٰ کاامیدواراعلان کردے،لیکن گجرات کانگریس اس پر دو دھڑوں میں منقسم تھی، شنکر سنگھ واگھیلا بمقابلہ بھرت سنگھ سولنکی۔