بھٹکل کے شمس اسکول میں تعلیمی معیار بڑھانے تربیت ایجوکیشنل سوسائٹی کا بڑا اعلان؛ ہر سال بیسٹ ٹیچر کودیا جائے گاعمرہ کا پروانہ

Source: S.O. News Service | By I.G. Bhatkali | Published on 11th October 2017, 8:58 PM | ساحلی خبریں |

بھٹکل 11/اکتوبر (ایس او نیوز)  بھٹکل کا معروف  تعلیمی ادارہ شمس انگلش میڈیم اسکول میں تعلیمی معیار بڑھانے ، بچوں میں تعلیمی دلچسپی پیداکرکے اُنہیں مزید بہتر ڈھنگ سے  پڑھانے اور اسکول کے تعلیمی نتائج  کے گراف کو اوپر لے جانے  کے لئے بیسٹ ٹیچر کے ایوارڈ کے طور پر عمرہ کی سعادت کرانے کا  بڑا اعلان کیا گیا ہے جس کے مطابق  اب ہرسال  اسکول میں بیسٹ ٹیچر  کا انتخاب کیا جائے گا اور اسکول انتظامیہ کی طرف سے بیسٹ ٹیچر کو عمرہ جانے کا مکمل  انتظام کیا جائے گا۔ یہ اعلان  تربیت ایجوکیشنل سوسائٹی کے صدر جناب عبدالقادر باشہ رکن الدین نے کیا۔ اساتذہ کے ساتھ منعقدہ خصوصی نشست میں اسکول کے تعلیمی معیار کو بڑھانے اور پوری تندہی اور دلچسپی کے ساتھ بچوں کو پڑھانے کے لئے انہوں نے ٹیچروں کو کئی ہدایات دیں اور کہا کہ آج گلف میں حالات ٹھیک نہ ہونے سے لوگ اپنے بچوں کو بھٹکل کے اسکولوں میں داخلہ کروانا خوش آئند بات ہے ۔ جس کے نتیجے میں ہمارے اسکولوں کے طلبہ کی تعداد میں اضافہ ہورہا ہے۔ آج بھی گلف کے لوگ بچوں کو اچھی تعلیم دلانے کے لئے شمس اسکول کا انتخاب کرتے ہیں، ایسے میں ہمیں اپنے اسکول کی تعلیمی فضا کو مزید بہتر بنانے کی ضرورت ہے۔

جناب باشہ صاحب نے کہا کہ اساتذہ کو جو تنخواہ دی جاتی ہے، اساتذہ کا رول تنخواہ دینے سے بھی بہت بڑا ہوتا ہے،  اساتذہ کے کردار اور اُن کی دی ہوئی تعلیم  سے  ہی پوری نسل پروان چڑھتی ہے، اسکول انتظامیہ ٹیچرس سے  جو Expect  کرتی ہے، ٹیچرس اُسی کے مطابق بہتر سے بہتر تعلیم اور تربیت بچوں کو فراہم کریں۔ 

جناب باشہ صاحب کے مطابق بیسٹ ٹیچر کے اعزاز کے لئے ٹیچر کی ہمہ جہت سرگرمی اور تحریکیت کو دیکھتے ہوئے  اولین ترجیح اُن ٹیچروں کو دی جائے گی  جن کے سبجیکٹ میں  سب سے زیادہ بچے   سو فیصدی مارکس حاصل کئے ہوں، اسی کے ساتھ ٹیچروں کا بچوں کے ساتھ سلوک، اُن کے برتائو اور دیگر اُمور کو بھی دیکھا جائے گا۔

جناب باشہ صاحب نے کہا کہ مرد ہو یا عورت، ہر ٹیچر بیسٹ ٹیچر کا اعزاز حاصل کرسکتے ہیں۔ غیر مسلم ٹیچروں کے بیسٹ ٹیچر اعزاز حاصل کرنے پر اُنہیں متعلقہ رقم دی جائے گی۔

انتظامیہ کے اعلان پر ٹیچروں نے خوشی و مسرت کا اظہار کرتے ہوئے کہا کہ ہم لوگ طلبا پر کافی توجہ دیتے ہیں، مگر اب اس اعلان کے بعد ہم ایک نئے جوش اور ولولے کے ساتھ بچوں پر محنت کریں گے ،انہوں نے توقع ظاہر کی کہ اس کے لئے ہمیں والدین کا بھی بھرپور تعائون حاصل ہوگا۔

اسکول سکریٹری محمد طلحہ سدی باپا، انتظامیہ ممبر عبدالعزیز رکن الدین ندوی اور اسکول کے صدر مدرس محمد رضامانوی سمیت  سبھی ٹیچرس اور دیگر  ذمہ داران اس موقع پر موجود تھے۔

ایک نظر اس پر بھی

بھٹکل :میڈیکل اور ڈینٹل کورسس کی فیس میں تین گنااضافہ :اے سی کے توسط سے وزیربرائے طبی تعلیم کو میمورنڈم

سال 2018-2019کے میڈیکل اور ڈینٹل کورسس کے لئے فیس میں تین گنا اضافہ کئے جانے سے غریب طلباکو  میڈیکل میدان سے محروم کئے جانے کا حکومت پر الزام عائد کرتے ہوئے اے بی وی پی بھٹکل شاخ  کے ممبران نے بھٹکل اسسٹنٹ کمشنر کی معرفت ریاستی وزیر برائے میڈیکل تعلیم کو میمورنڈم سونپا۔

بھٹکل بس اسٹائنڈ کی بوسیدہ عمارت منہدم : کوئی جانی یا مالی نقصان نہیں

بھٹکل کے لئے  ہائی ٹیک بس اسٹانڈ کی تعمیر جاری رہتے پیر کی دوپہر بھٹکل بس اسٹانڈ کی عمارت  منہدم ہوکر تاریخ کا حصہ بن گئی ۔ بارش کی وجہ سے عمارت کی دیواریں اور پتھر ایک ایک کرکے گرنے لگے  تھے پیر کی دوپہر عمارت پوری طرح منہدم ہوگئی ۔ پیشگی طورپر خستہ حال عمارت کی بوسیدگی دیکھتے ...

ساحل آن لائن کے مینجنگ ایڈیٹر کو صحافتی خدمات کے اعتراف میں ضلعی ایوارڈ : ایوارڈ یافتہ بھٹکل کے پہلے اور ضلع کے پہلے مسلم صحافی

ملک عزیز میں اپنی شناخت رکھنے والے ریاست کرناٹک ، بھٹکل کے  معروف آن لائن نیوز پورٹل ساحل آن لائن کے مینجنگ ایڈیٹر عنایت اللہ گوائی کو ضلعی سطح کے" جی ایس ہیگڈے اجّیبل ایوارڈ" سےاتوار 15 جولائی کو ضلع اُترکنڑا کے معروف سیاحتی مقامی گوکرن میں  اُترکنڑا  ورکنگ جرنلسٹ اسوسی ایشن ...