سہواگ،آفریدی،مورگن اور سنگا کاراٹی ۔10میں دکھائیں گے اپنا جلوہ

Source: S.O. News Service | By Shahid Mukhtesar | Published on 5th October 2017, 1:26 PM | اسپورٹس |

دوبئی،4اکتوبر (یواین آئی) ہندوستان کے جارح بلے باز وریندر سہواگ، پاکستان کے اسٹار آل راؤنڈر شاہد آفریدی اور سری لنکا کے کمار سنگاکارا اگرچہ بین الاقوامی کرکٹ کو الوداع کہہ چکے ہوں لیکن یو اے ای میں شروع ہونے والی ٹی -10لیگ میں ناظرین کو ایک مرتبہ پھر ان کا جلوہ دیکھنے کو ملے گا۔سابق ہندوستانی کرکٹر سہواگ اس سال دسمبر میں شروع ہونے والی ٹی -10کرکٹ لیگ میں کھیلنے اتریں گے ۔ ان کے علاوہ آفریدی، سنگاکارا اور انگلینڈ کے ایون مورگن بھی اس لیگ کا حصہ ہیں۔ اس لیگ میں، 10-10اووروں کے میچ کھیلے جائیں گے اور دونوں ٹیموں کو 45۔ 45منٹ کا کھیل کھیلنا ہوگا۔ دنیا بھر میں ہو رہی ٹوئنٹی20لیگ کی مقبولیت کو دیکھتے ہوئے اب ٹی -10لیگ کا نیا فارمیٹ شروع کیا گیا ہے ۔ لیگ کے صدر سلمان اقبال نے امید ظاہر کی ہے کہ شائقین کو یہ فارمیٹ پسند آئے گا۔انہوں نے کہا "سڑکوں اور گلیوں میں سب نے 10-10 اووروں کا کرکٹ کھیلا ہے اور یہ نیا فارمیٹ کرکٹ کو اور بھی دلچسپ بنائے گا۔ ہمیں اس بات کی امید ہے کہ مداحوں کو یہ فارمیٹ ضرور پسند آئے گا۔ یہ ٹی -10 لیگ 21 سے 24 دسمبر تک کھیلی جائے گی جس میں دنیا کے عظیم تجربہ کار اور موجودہ کرکٹر حصہ لے رہے ہیں۔ آئی سی سی رینکنگ میں دنیا کے نمبر ایک آل راونڈر شکیب الحسن کے علاوہ سابق پاکستانی کپتان مصباح الحق بھی اس لیگ میں کھیلنے اتریں گے ۔سابق پاکستانی عظیم کھلاڑی آفریدی بھی اس لیگ کے سلسلے میں کافی پرجوش ہیں ۔ انہوں نے کہا کہ جب مجھے اس فارمیٹ کے بارے میں بتایا گیا تو میں نے اس لیگ میں کھیلنے کی اپنی دلچسپی ظاہر کی تھی۔ انگلینڈ کے موجودہ ون ڈے اور ٹی 20کپتان مورگن نے بھی کہا کہ یہ لیگ کافی کامیاب ثابت ہوگی۔ انہوں نے کہا کہ اس لیگ کا پروگرام کافی دلچسپ ہوگا۔اس مہینے اس ٹورنمنٹ میں حصہ لینے والی ٹیموں کا ڈرافٹ تیار کیا جائے گا۔ 43سالہ مصباح نے کہا کہ سینئر کھلاڑیوں کے لیے یہ ایک اچھا فارمیٹ ثابت ہوگا ۔ ہمیں صرف میدان پر ۱۰ اوور ہی بلے بازی اور فیلڈنگ کرنی ہوگی۔

ایک نظر اس پر بھی

پہلے ٹیسٹ میں   جنوبی افریقہ نے ہندوستان کو 72رنز سے شکست دی؛ سریز میں1-0کی سبقت

 جنوبی افریقہ نے اپنی فاسٹ گیندبازی سے ہندوستان کو شکست دینے کے بعد دوسرے ٹیسٹ میچ کے لیے ڈیل اسٹین کی عدم دستیابی کے باعث ٹیم میں مزید دو فاسٹ بولروں دواننے الیور اور 21سالہ لونگی نگیڈی کو کو شامل کر لیا۔

کولن منرو کی شاندار سنچری کی بدولت نیوزی لینڈ نے ویسٹ انڈیز کو 119 رنز سے شکست دے کر سیریز دو صفر سے جیت لی

کولن منرو کی شاندار سنچری اور پھر بولرز کی نپی تلی بولنگ کی بدولت نیوزی لینڈ نےویسٹ انڈیز کو سیریز کے تیسرے اور آخری ٹی 20 میچ میں 119 رنز سے شکست دے کر سیریز دو صفر سے جیت لی ہے۔