نئی دہلی ،7؍جنوری(ایس او نیوز؍آئی این ایس انڈیا)قومی دارالحکومت دہلی میں آج سرد ہواؤں نے کپکپی بڑھا دی ہے اگرچہ صبح کا کم از کم درجہ حرارت6.4ڈگری سیلسیس ریکارڈ کیا گیا جو کل4.2ڈگری سینٹی گریڈ سے زیادہ ہے۔پالم ہوائی اڈے پر ویڑیبلٹی کی سطح صفر رہی اور کئی علاقوں میں درمیانے درجے کا دھند چھایا رہا جس کے سبب ریل اور ہوائی جہاز کی خدمات پر اثر پڑا ہے۔کم از کم 50 ریل گاڑیاں تاخیر سے چل رہی ہیں اور 16 کے وقت میں ردوبدل کرنا پڑا ہے۔