بی جے پی خیمے میں خوف ودہشت کی لہر، کانگریس اور جے ڈی ایس کی طرف سے اراکین اسمبلی کے شکار کا اندیشہ

Source: S.O. News Service | By Shahid Mukhtesar | Published on 13th September 2018, 12:06 PM | ریاستی خبریں |

بنگلورو13؍ستمبر(ایس او نیوز) ایک طرف بی جے پی کی طرف سے ریاستی حکومت کو کمزور کرنے کے لئے برگشتہ کانگریس اراکین اسمبلی کا شکار کرنے کی کوشش ناکام ہوتی نظر آرہی ہے تو دوسری طرف وزیر اعلیٰ ایچ ڈی کمار سوامی اور وزیر برائے آبی وسائل ڈی کے شیوکمار کی طرف سے بی جے پی اراکین اسمبلی کی وفاداری کو خرید لئے جانے کے خوف سے بی جے پی نے آج اپنے تمام اراکین اسمبلی کو ریسارٹ منتقل کرنے پر غور وخوض شروع کردیا ہے۔

کمار سوامی اور ڈی کے شیوکمار کی طرف سے اس کھلی وارننگ کے بعد کہ کانگریس یا جے ڈی ایس کے ایک بھی رکن اسمبلی کواپنی طرف کرنے کی بی جے پی کی طرف سے کوئی بھی کوشش کی گئی تو بی جے پی کو اپنے کم از کم دس اراکین اسمبلی سے ہاتھ دھونا پڑے گا۔ ان معتبر اطلاعات کے بعد بعض بی جے پی اراکین اسمبلی سے کانگریس اور جے ڈی ایس قائدین مسلسل ربط میں ہیں بی جے پی حواس باختہ ہوگئی ہے۔

بتایاجاتاہے کہ اراکین اسمبلی کو کسی بھی حال میں اپنے قبضے میں رکھنے کے لئے بی جے پی اعلیٰ کمان کی ہدایت پر انہیں ریسارٹ منتقل کرنے پر سنجیدگی سے غور کیا جارہا ہے۔کل گوری گنیش تہوار کے فوراً بعد ریاست میں سیاسی سرگرمیوں کے تیز ہوجانے کے اندیشے ظاہر کئے جارہے ہیں، اسی لئے بی جے پی نے بھی اپنے اراکین اسمبلی کے شکار ہوجانے کے خوف سے تہوار کے فوراً بعد انہیں ریسارٹ میں ٹھہرنے کی ہدایت جاری کرنے کا فیصلہ کیا ہے۔ آج ریاستی بی جے پی صدر بی ایس یڈیورپا کی رہائش گاہ پر متعدد اراکین بی جے پی اسمبلی کا اجلا س ہوا، اجلاس سے غیر حاضر اراکین اسمبلی کی وفاداریوں کو لے کر شکوک وشبہات ظاہر کئے جارہے ہیں۔ سابق وزیر آر اشوک کو ہدایت دی گئی ہے کہ بنگلور کے تمام گیارہ بی جے پی اراکین اسمبلی کی نگرانی وہ اپنے ذمے لے ۔ باقی اضلاع کے اراکین اسمبلی کو ساتھ رکھنے کی ذمہ داری سینئر لیڈروں امیش کتی، بی سری راملو، بسوراج بومئی وغیرہ کو دی گئی ہے۔ اس دوران یڈیورپانے دعویٰ کیا کہ اگلے تین چار دنوں کے اندر ریاستی مخلوط حکومت گر جائے گی اور بی جے پی کے سبھی قائدین کو اس کی خوش خبری دی جائے گی۔

دوسری طرف بی جے پی کے خیمے میں یہ دہشت بھی طاری ہے کہ گنیش تہوار کے فوری بعد کانگریس اور جے ڈی ایس کی طرف سے ان کے کتنے اراکین اسمبلی کا شکار کرلیا جائے گا۔ جنتادل (ایس) کی طرف سے بی جے پی اراکین اسمبلی کو اپنی طرف کرنے کی واضح دھمکی اور آج وزیرسیاحت سارا مہیش کے اس بیان پر کہ دس سے زائد بی جے پی اراکین اسمبلی جے ڈی ایس قیادت کے ربط میں ہیں۔بی جے پی کے خیمے میں خوف کی لہر دوڑ گئی ہے۔

ایک نظر اس پر بھی

ساحلی علاقے میں ریت کا مسئلہ 15اکتوبر تک حل کیا جائے گا؛ وزیر اعلیٰ کمارا سوامی کا تیقن

وزیراعلیٰ کمارا سوامی نے ساحلی علاقے اڈپی اور منگلورو ضلع کے اراکین اسمبلی کے ساتھ ودھان سودا میں منعقدہ میٹنگ کے دوران تیقن دیا ہے کہ ریت نکالنے اور اس کی فراہمی کے متعلق مسائل کو 15اکتوبر حل کیا جائے گا۔

بنگلورو میں 95؍فیصد گڑھوں کو بند کرنے کا دعویٰ بے بنیاد: ہائی کورٹ

ہائی کورٹ کی ہدایت کے باوجود شہر کی سڑکوں کو گڑھوں سے نجات نہیں ملی ہے حالانکہ بروہت بنگلور مہانگر پالیکے (بی بی ایم پی) نے 95؍فیصد گڑھوں کو بند کردینے کا دعویٰ کیا ہے۔ ہائی کورٹ نے یہ کہتے ہوئے کہ لوگوں کو بی بی ایم پی پر اعتماد نہیں ہے۔

سی ایل پی اجلاس میں مخلوط حکومت کے خلاف شکایات کاانبار کام نہ کرنے والے وزراء کو گیٹ پاس، 6ماہ میں ایک بار وزراء کی کار گزاری کی قدر پیمائی ہوگی:سدارامیا

ریاست میں موجودہ مخلوط حکومت کی حفاظت کی اہم ترین ذمہ داری ہائی کمان نے میرے سپرد کی ہے کسی بھی حال میں مخلوط حکومت کو کمزور کرنے کاموقع نہیں دیا جائے گا۔ اس کام کیلئے مجھے تمام اراکین اسمبلی کا تعاون درکا رہے، ان خیالات کااظہار سابق ریاستی وزیراعلیٰ سدارامیا نے سی ایل پی ...

246حجاج پر مشتمل 18ویں حج پرواز کی بنگلوروآمد۔ مدینہ منور ہ میں بنگلورو کی حاجیہ کاانتقال

ریاستی حج کمیٹی کے ذریعہ روانہ ہوئے حجاج کرام کی واپسی کا سلسلہ جاری ہے ۔آج حجاج کا 18واں قافلہ 45منٹ قبل ہی شہر پہنچ گیا ۔ سعودی ہوائی جہاز نمبر SV-5925کو مدینہ منورہ سے شہر صبح9:15بجے پہنچنا تھا ۔

راہل گاندھی کو وزیراعظم کے طورپرقبول کرنے میں دقت نہیں :دیوے گوڑا

آئندہ برس ہونے والے عام انتخابات میں کانگریس کی طرف سے پارٹی کے صدر راہل گاندھی کو غیربھارتیہ جنتا پارٹی (بی جے پی) اتحاد کا وزیراعظم کے عہدہ کا امیدوار پیش کئے جانے کے ایک دن بعد ہی پیر کو اس مہم کو اس وقت بڑی حمایت ملی جب سابق وزیراعظم ایچ ڈی دیو ے گوڑا نے کہاکہ اس میں ان کی ...