بھٹکل میں بس اور لاری کے درمیان خطرناک ٹکر؛ کچھ ہی منٹوں بعد دو مزید بسیں بھی حادثے کی زد میں آگئیں؛ ایک ہلاک 15 زخمی

Source: S.O. News Service | By I.G. Bhatkali | Published on 13th September 2017, 3:20 AM | ساحلی خبریں | ان خبروں کو پڑھنا مت بھولئے |

بھٹکل 13/ستمبر (ایس او نیوز) بھٹکل تعلقہ کے بیلکے۔ سوڈی گیدے کراس نیشنل ہائی وے 66 پر ایک ساتھ چار گاڑیوں کی ٹکر میں ایک شخص ہلاک ہوگیا جبکہ 15 سے زائد زخمی ہوگئے۔ حادثہ  منگل اور بدھ کی درمیانی شب قریب 12 بجے پیش آیا۔

بتایا گیا ہے کہ گوا سے مچھلیوں کو بھر کر لاری کیرالہ جارہی تھی کہ مینگلور سے ہبلی کی طرف جانے والی گنیش ٹراویلس بس کے ساتھ ٹکراگئی۔اس ٹکر کے ہوتے ہی مینگلور سے ہبلی جانے والی ایک سگما ٹراویلس بس بھی پیچھے سے تیز رفتاری کے ساتھ  ٹکراگئی، جبکہ کچھ ہی دیر بعد مینگلور سے ہبلی جانے والا دوسرا گنیش بس بھی اُسی حادثے والی جگہ پر سُگما بس سے ٹکراگیا۔ بتایا گیا ہے کہ اس راستے سے گذرنے والی دو موٹر بائک بھی حادثے کی زد میں آگئی، البتہ بائک والوں کو زیادہ نقصان نہیں ہوا۔

حادثہ اتنا خطرناک تھا کہ لاری ڈرائیور نے موقع پر ہی دم توڑ دیا، جس کی شناخت نیہاڈی عبداللہ جی ایم (35) کی حیثیت سے کی گئی ہے، یہ  کیرالہ کے منجویشور کا رہنے والا تھا۔ حادثے میں گنیش ٹراویلس کے ڈرائیور کو بھی شدید چوٹ لگی ہے اور اس کے دونوں پائوں کٹ ہوگئے ہیں،اس کی شناخت نہیں ہوسکی، البتہ اسے نازک حالت میں فوری طور پر مینگلور منتقل کیا گیا ہے۔اس بس کے کلینر کو بھی زیادہ چوٹ لگی ہے، جس کی بھی شناخت نہیں ہوسکی۔

حادثے میں سُوگما بس ڈرائیور دائول غوث صاحب (58) اور بس کلینر لوکیش بھیمپا (24) بھی زخمی ہوئے ہیں، جبکہ  گنیش ٹراویلس بس پر سوار زخمیوں کی شناخت سمپا شنکر شیٹ(50)، وسنت نارائن شیٹ (65)، دیویا ناگراج شیٹ (34)، سبھاش چند ر بی کے (44)، پرشانت کے (38)، گنیش وینکٹیش ہیبار (36)، شنکر شیٹ (65)، موہن داس ہیگڈے (46)، سندراچھوت شیٹ (65)، وجیا سندر شیٹ (50) کی حیثیت سے کی گئی ہے۔

لاری سے ڈرائیور کی لاش کو باہر نکالنے میں نوجوانوں کو کافی مشقت کرنی پڑی کیونکہ لاش ایسی بری طرح پھنس گئی تھی کہ نکالنے میں کافی وقت لگا۔ اسی طرح گنیش بس کے ڈرائیور کو بھی کافی احتیاط سے باہر نکالنے میں مقامی لوگوں کو کافی محنت کرنی پڑی۔ حادثے کی وجہ سے کچھ دیر کے لئے نیشنل ہائی وے بند ہوگیا، مگر بعد میں پولس نے سڑک کے دوسرے حصے سے سواریوں کو آنے اور جانے کی سہولت فراہم کی۔

حادثے کی اطلاع ملتے ہی کافی لوگ موقع واردات پر پہنچ کر زخمیوں کو اسپتال پہنچانے میں تعائون پیش کیا، اُدھر سرکاری اسپتال میں  بھی مسلم نوجوانوں کی بڑی تعداد  مدد کے لئے پہنچ گئی  اور زخمیوں کو بھٹکل سرکاری اسپتال میں ابتدائی طبی امداد کے بعد کنداپور روانہ کرنے میں ہر طرح کا تعائون پیش کیا۔

مضافاتی پولس تھانہ میں معاملہ درج کیا گیا ہے، پولس مزید چھان بین کررہی ہے۔

ایک نظر اس پر بھی

جنوری 21 کو ہوگا انجمن حامئی مسلمین بھٹکل کا سالانہ جلسہ؛ ممبران سے بھاری تعداد میں شرکت کی اپیل

بھٹکل کا قومی تعلیمی ادارہ انجمن حامئی مسلمین کا سالانہ جلسہ مورخہ 21 جنوری بروز اتوار صبح 10:30 بجے انجمن جوکاکو شمس الدین میموریل بلڈنگ میں منعقد کیا گیا ہے جس میں سالانہ آڈٹ شدہ حسابات برائے سال 2016 / 2017 پر مشتمل سالانہ رپورٹ پیش کیا جائے گا۔ جلسہ میں ممبران کو انجمن کی ...

بھٹکل سرکاری اسپتال کی بدنظمی کے متعلق میڈیا میں رپورٹ شائع ہونےکے بعد ضلعی میڈیکل آفیسر کا اسپتال دورہ : تعلقہ میڈیکل آفیسر پر الزامات کی بوچھار

بھٹکل سرکاری اسپتال میں 9ڈاکٹرس خدمات پر مامور ہونے کے باوجود پیر کے دن کوئی بھی ڈاکٹر حاضر نہیں ہونے کی میڈیا میں رپورٹ میں شائع ہونے کے بعد ضلع میڈیکل آفیسر ڈاکٹر اشوک کمار تعلقہ اسپتال کا دورہ کرتے ہوئے اسپتال کا معائنہ کیا اور اسپتال کی بد نظمی کے متعلق تعلقہ میڈیکل آفیسر ...

ہوناور میں ایک کالج طالبہ کی عصمت دری کی کوشش؛ عوام نے نوجوان کو پکڑ کر کیا پولس کے حوالے

یہاں سے قریب 38 کلو میٹر دور ہوناور میں پولس نے ایک  کالج طالبہ کی  عصمت دری کرنے کی کوشش کے الزام میں ایک 26 سالہ نوجوان کو گرفتار کرلیا ہے جس کی شناخت  ہوناور کے النکّی کے رہنے والے  گرو راما گوڈا کی حیثیت سے کی گئی ہے۔

بھٹکل انجمن ہائی اسکول کے ہونہار طلبہ کو گولڈ میڈلس؛ محمد عمر کو ملا ’وقار اسلامیہ ‘ اور امیر معلم نے حاصل کیا ’وقارِ انجمن‘ ایوارڈ

15جنوری برو ز پیر کو انجمن میدان میں منعقدہ اسلامیہ اینگلو اردو ہائی اسکول اور انجمن بائز ہائی اسکول کے 78واں سالانہ جلسہ میں اسلامیہ ہائی اسکول کے محمد عمر ابن جیلانی اکرمی کو ’وقار ِاسلامیہ ‘ اور انجمن بائز ہائی اسکول کے امیر ابن منیر محی الدین معلم کو’وقار ِ انجمن ‘ایوارڈ ...

مقتول الیاس کی بیوی کاپیغام پولیس کے نام۔ انصاف نہیں ملا تو جان دے دوں گی!

حال ہی میں قتل کیے گئے بدنام زمانہ ٹارگٹ گروپ کے گُرگے الیا س کی بیوی فرزانہ نے پولیس کے نام کھلے خط میں اپنے لئے انصاف دلانے کا مطالبہ کیاہے اور کہا ہے کہ اگر الیاس کے قاتلوں کو گرفتار کرکے اس کے ساتھ انصاف نہیں کیاگیا تو وہ اپنی جان دیدے گی۔

ہوناور میں ایک کالج طالبہ کی عصمت دری کی کوشش؛ عوام نے نوجوان کو پکڑ کر کیا پولس کے حوالے

یہاں سے قریب 38 کلو میٹر دور ہوناور میں پولس نے ایک  کالج طالبہ کی  عصمت دری کرنے کی کوشش کے الزام میں ایک 26 سالہ نوجوان کو گرفتار کرلیا ہے جس کی شناخت  ہوناور کے النکّی کے رہنے والے  گرو راما گوڈا کی حیثیت سے کی گئی ہے۔

بھٹکل انجمن ہائی اسکول کے ہونہار طلبہ کو گولڈ میڈلس؛ محمد عمر کو ملا ’وقار اسلامیہ ‘ اور امیر معلم نے حاصل کیا ’وقارِ انجمن‘ ایوارڈ

15جنوری برو ز پیر کو انجمن میدان میں منعقدہ اسلامیہ اینگلو اردو ہائی اسکول اور انجمن بائز ہائی اسکول کے 78واں سالانہ جلسہ میں اسلامیہ ہائی اسکول کے محمد عمر ابن جیلانی اکرمی کو ’وقار ِاسلامیہ ‘ اور انجمن بائز ہائی اسکول کے امیر ابن منیر محی الدین معلم کو’وقار ِ انجمن ‘ایوارڈ ...

مقتول الیاس کی بیوی کاپیغام پولیس کے نام۔ انصاف نہیں ملا تو جان دے دوں گی!

حال ہی میں قتل کیے گئے بدنام زمانہ ٹارگٹ گروپ کے گُرگے الیا س کی بیوی فرزانہ نے پولیس کے نام کھلے خط میں اپنے لئے انصاف دلانے کا مطالبہ کیاہے اور کہا ہے کہ اگر الیاس کے قاتلوں کو گرفتار کرکے اس کے ساتھ انصاف نہیں کیاگیا تو وہ اپنی جان دیدے گی۔