کولگام ہلاکتوں کے خلاف تاریخی لال چوک میں احتجاجی دھرنا ناکام

Source: S.O. News Service | By Shahid Mukhtesar | Published on 24th October 2018, 11:46 AM | ملکی خبریں | ان خبروں کو پڑھنا مت بھولئے |

سری نگر،24؍اکتوبر (ایس او نیوز؍یو ا ین آئی) کشمیر انتظامیہ نے منگل کے روز گرمائی دارالحکومت سری نگر کا قلب کہلائے جانے والے تاریخی لال چوک کو چاروں اطراف سے سیل کرکے جنوبی کشمیر کے ضلع کولگام میں پیش آئی شہری ہلاکتوں کے خلاف مشترکہ مزاحمتی قیادت کے احتجاجی دھرنے کو ناکام بنادیا۔ سید علی گیلانی، میرواعظ مولوی عمر فاروق اور محمد یاسین ملک پر مشتمل مشترکہ مزاحمتی قیادت نے کولگام ہلاکتوں کے خلاف تاریخی لال چوک میں پرامن احتجاجی دھرنا دینے کا اعلان کیا تھا۔

ریاستی پولیس اور سینٹرل پیراملٹری فورسز نے منگل کی صبح تاریخی لال چوک کی طرف جانے والی تمام سڑکوں اور گلی کوچوں کو خاردار تار سے سیل کیا ۔ امیرا کدل، ککر بازار، کورٹ روڑ ، ریگل چوک اور آفتاب مارکیٹ میں سکیورٹی فورسز کی اضافی نفری کی تعیناتی کے علاوہ ان راستوں کو مکمل طور پر سیل کیا گیا تھا۔ اگرچہ حریت کانفرنس (ع) چیئرمین میرواعظ اور جے کے ایل ایف چیئرمین محمد یاسین ملک نے پابندیاں توڑتے ہوئے لال چوک کی طرف جانے کی کوششیں کیں، تاہم سکیورٹی فورسز نے ان کی کوششیں ناکام بناتے ہوئے انہیں حراست میں لیا۔

حریت کانفرنس (ع) کے ایک ترجمان نے کہا کہ میرواعظ نے منگل کی صبح قریب ساڑھے گیارہ بجے اپنی خانہ نظربندی توڑتے ہوئے لال چوک کی طرف پیش قدمی شروع کی، تاہم ان کی رہائش گاہ کے باہر پہلے سے تعینات سکیورٹی فورسز کی بھاری جمعیت نے انہیں حراست میں لیکر پولیس تھانہ نگین منتقل کیا۔

جے کے ایل ایف کے ایک ترجمان نے کہا کہ یاسین ملک اپنی گرفتار کو ٹالنے کے لئے روپوش ہوگئے تھے ۔ تاہم منگل کی صبح مسٹر ملک جوں ہی اپنے ساتھیوں کے ہمراہ تاریخی لال چوک پہنچے تو سکیورٹی فورسز کی بھاری جمعیت نے انہیں پولیس تھانہ کوٹھی باغ منتقل کیا۔بتادیں کہ لارو کولگام میں اتوار کو مسلح تصادم کے مقام پر ایک پراسرار دھماکے کے نتیجے میں کم از کم 7 عام شہری ہلاک جبکہ قریب 4 درجن دیگر زخمی ہوگئے تھے ۔ پراسرار دھماکے سے قبل مسلح تصادم میں سکیورٹی فورسز کی جانب سے جیش محمد سے وابستہ 3 مقامی جنگجو مارے گئے تھے ۔ ریاستی پولیس کے مطابق کولگام میں پیش آئی شہری ہلاکتوں کے سلسلے میں کیس درج کرکے تحقیقات شروع کی گئی ہے ۔ دریں اثنا مختلف تجارتی انجمنوں کی جانب سے منگل کو یہاں کولگام ہلاکتوں کے خلاف احتجاجی دھرنا دیا گیا۔ مختلف تجارتی انجمنوں کے اتحاد کشمیر ٹریڈرس اینڈ مینوفیکچرس فیڈریشن سے وابستہ نمائندوں نے لال چوک سے کچھ دوری پر واقع ریگل چوک میں سڑک کے بیچوں بیچ بیٹھ کر کولگام ہلاکتوں کے خلاف احتجاجی دھرنا دیا۔ احتجاجی تاجروں کی قیادت فیڈریشن کے صدر حاجی محمد یاسین خان کررہے تھے ۔ دھرنے پر بیٹھنے والے تاجروں نے اپنے ہاتھوں میں پلے کارڈ اور بینرس اٹھا رکھے تھے ۔ احتجاجی تاجروں کی جانب سے کولگام میں جاں بحق ہوئے شہریوں کے حق میں غائبانہ نماز جنازہ بھی پڑھی گئی۔ کشمیر چیمبر آف کامرس اینڈ انڈسٹری کی جانب سے بھی کولگام ہلاکتوں کے خلاف ریگل چوک میں احتجاجی دھرنا دیا گیا۔ اس دوران وادی کشمیر میں بیشتر تعلیمی ادارے منگل کو مسلسل دوسرے دن بھی بند رہے ۔ سری نگر میں متعلقہ ضلع مجسٹریٹ نے تعلیمی ادارے بند رکھنے کے احکامات جاری رکھے تھے ۔ کشمیر یونیورسٹی، اسلامک یونیورسٹی آف سائنس اینڈ ٹیکنالوجی اور سینٹرل یونیورسٹی آف کشمیر میں درس وتدریس کا عمل متاثر رہا۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

ای وی ایم تنازعہ: کپل سبل نے کہا 'ذاتی حیثیت سے گیا تھا لندن، کانگریس کا کوئی لینا دینا نہیں'۔

  کانگریس کے سینئر لیڈر کپل سبل نے بھارتیہ جنتاپارٹی (بی جے پی)کےلیڈر اوروزیرقانون روی شنکر پرساد کےان الزامات کو منگل کو پوری طرح سے بے بنیاد بتاکہ لندن میں الیکٹرانک ووٹنگ مشین (ای وی ایم )سے متعلق پریس کانفرنس کا اہتمام کانگریس نے کیاتھا اورواضح کیاکہ وہ اس میں ذاتی حیثیت ...

مدارس کو اگربند نہیں کیا گیا توآئی ایس آئی ایس حامی ہوجائیں گے مسلم بچے، وسیم رضوی نے وزیراعظم کو خط لکھ کرکیا مطالبہ

اپنے متنازعہ بیانات  کے سبب اکثرسرخیوں میں رہنے والے اترپردیش شیعہ وقف بورڈ کے چیئرمین وسیم رضوی نے وزیراعظم نریندرمودی کوخط لکھ کربنیادی سطح تک کے سبھی مدارس کوبند کرنے کا مشورہ دیا ہے۔

اپنے کسی بھی ممبر اسمبلی کو لوک سبھا انتخابات میں نہیں اتارے گی عام آدمی پارٹی

عام آدمی پارٹی آئندہ لوک سبھا انتخابات میں اپنے موجودہ  ممبراسمبلی اور وزرا کو ٹکٹ نہیں دے گی۔ عآپ کے سینئر لیڈر گوپال رائے نے منگل کو یہ جانکاری دی ہے۔ عام آدمی پارٹی کی دہلی یونٹ کے صدر رائے نے ساتھ ہی کہا کہ انتخابات کی اطلاع جاری ہونے سے کافی پہلےہی دہلی م پنجاب اور ہریانہ ...

الیکٹرانک ووٹنگ مشینوں پر چندرابابوکوشبہات

الکٹرانک ووٹنگ مشینوں (ای وی ایمس)کے استعمال پر تشویش کا اظہار کرتے ہوئے اے پی کے وزیراعلی و تلگودیشم پارٹی کے قومی صدر این چندرابابونائیڈو نے کہا کہ ان مشینوں میں الٹ پھیر کے کئی ثبوت پائے گئے ہیں

پُتور میں پیک آپ کار کی اومنی سے خطرناک ٹکر؛ ایک کی موت، دو شدید زخمی

ماروتی اومنی اور  پیک آپ کے درمیان ہوئی خطرناک ٹکر کے  نتیجے میں اومنی پر سوار ایک شخص کی موت واقع ہوگئی، جبکہ دوسرا شدید زخمی ہوگیا، حادثے میں پیک آپ کار ڈرائیور کو بھی چوٹیں آئی ہیں ۔ حادثہ منگل صبح مُکوے مسجد کے سامنے   پیش آیا۔

شیرور میں کار کی ٹکر سے بائک سوار کی موت

پڑوسی علاقہ شیرور نیشنل ہائی وے پر ایک کار کی ٹکر میں بائک سوار کی موقع پر ہی موت واقع ہوگئی جس کی شناخت محمد راشد ابن محمد مشتاق (21) کی حیثیت سے کی گئی ہے جو شیرور  بخاری کالونی کا رہنے والا تھا۔

ہائی کمان کہے تو وزارت چھوڑ نے کیلئے بھی تیار : ڈی کے شیو کمار

ریاست میں سیاسی گہما گہمی کا فی تیز ہونے لگی ہے ۔ ایک طرف جہاں کانگریس اور جنتادل( سکیولر) اپنی مخلوط حکومت کو بچانے میں لگے ہیں وہیں بھارتیہ جنتا پارٹی ( بی جے پی ) نے آپریشن کنول کے ذریعہ دیگر پارٹیوں کے اراکین اسمبلی کو خریدکر برسر اقتدار آنے کے حربے جاری رکھے ہیں۔