کوئٹہ: ڈی آئی جی پولیس خودکش حملے میں ہلاک

Source: S.O. News Service | By Shahid Mukhtesar | Published on 11th November 2017, 10:42 AM | عالمی خبریں |

کوئٹہ،9نومبر (ایس او نیوز؍آئی این ایس انڈیا)کوئٹہ کے علاقے ایئر پورٹ روڈ پر ہونے والے ایک خودکش حملے میں پولیس کے ایک اعلیٰ افسر سمیت تین افراد ہلاک اور تین پولیس اہلکاروں سمیت آٹھ زخمی ہوگئے ہیں۔پولیس حکام کے مطابق ڈی آئی جی حامد شکیل اپنے گھر سے دفتر جارہے تھے کہ راستے میں کوئٹہ ایئرپورٹ کے نزدیک اْن کی گاڑی کے قریب ایک زور دار دھماکہ ہوا۔دھماکے کی زد میں گاڑی میں سوار حامد شکیل، اْن کے پر ائیویٹ سیکرٹری محمد رمضان، ڈرائیور جلیل اور گاڑی کے عقبی حصے میں بیٹھے محافظوں کے علاوہ راہ گیر بھی آئے۔دھماکے میں زخمی ہونے والے 11 میں سے تین افراد کو کوئٹہ سی ایم ایچ جب کہ دیگر آٹھ افراد کو سول اسپتال منتقل کیا گیا جہاں ڈی آئی جی حامد شکیل، اْن کے سیکرٹری اور ڈرائیور زخموں کی تاب نہ لاتے ہوئے چل بسے۔دھماکے کے بعد پولیس، فرنٹیر کور بلوچستان اور دیگر متعلقہ اداروں کے حکام موقع پر پہنچے اور جائے واقعہ سے شواہد جمع کرنے کے علاوہ عینی شاہدین سے تفتیش کی۔بم ڈسپوزل حکام کے مطابق ابتدائی تحقیقات سے پتا چلا ہے کہ دھماکہ خودکش تھا اور موٹر سائیکل سوار خودکش بمبار نے گاڑی کے قریب سے گزرتے ہوئے بارودی مواد میں دھماکہ کیا جس میں 10 سے 15 کلو بارودی مواد کے ساتھ بال بیرنگ بھی استعمال کیے گئے تھے۔دھماکے کی زد میں تین گاڑیاں اور ایک رکشہ بھی آئے جس میں سوار پانچ افراد زخمی حالت میں سول اسپتال منتقل کیے گئے جن کی حالت ڈاکٹروں نے خطرے سے باہر بتائی ہے۔ البتہ سی ایم ایچ میں زیرِ علاج دو زخمیوں کی حالت نازک ہے۔حملے کی ذمہ داری کالعدم شدت پسند تنظیم تحریکِ طالبان پاکستان نے تسلیم کرلی ہے۔ تنظیم کے ترجمان محمد خراسانی نے صحافیوں کو بھیجے گئے ایک پیغام میں حملے کی ذمہ داری قبول کرنے کا دعویٰ کیا۔گزشتہ ماہ بھی کوئٹہ کے نواحی علاقے سریاب میں پو لیس اہلکاروں پر خودکش حملہ ہوا تھا جس میں آٹھ پولیس اہلکار ہلاک ہوگئے تھے۔

ایک نظر اس پر بھی

بھارت۔ تائیوان ایس ایم ای ترقیاتی فورم تائیپی میں شروع 

vایم ایس ایم ای کے سکریٹری ڈاکٹر ارون کمار پانڈا 13 سے 17 نومبر 2018 تک چلنے والے بھارت 150 تائیوان ایس ایم ای ترقیاتی فورم کے اجلاس میں بھارتی وفد کی قیادت کررہے ہیں۔ فورم میں کل اپنے افتتاحی کلمات میں ڈاکٹر پانڈا نے کہا کہ بھارت میں ایم ایس ایم ای کی پوزیشن کلیدی اہمیت کی حامل ہے

شمالی کوریا کا میزائل پروگرام جاری ہے، رپورٹ

ایک امریکی ریسرچ آرگنائزیشن نے کہا ہے کہ اس نے شمالی کوریا کے میزائلوں سے متعلق ایسے 13 مقامات کا پتا لگایا ہے جن کا اعلان نہیں کیا گیا ہے۔ یہ اس بات کی تازہ ترین علامت ہے کہ شمالی کوریا کو اس کے جوہری ہتھیاروں سے دستبردار کرانے کی امریکی کوشش تعطل کا شکار ہو گئی ہے۔

غیر ملکی طلبہ کی امریکہ میں دلچسپی کیوں گھٹ رہی ہے؟

غیر ملکی طالب علموں کی آمد سے امریکی معیشت کو ہر سال42 ارب ڈالر کا فائدہ ہوتا ہے اور روزگار کی منڈی میں ساڑھے چار لاکھ ملازمتیں پیدا ہوتی ہیں۔ غیر ملکی طالب علم امریکی معیشت کے لئے بے بڑی اہمیت رکھتے ہیں۔

ہندوستان ڈیجیٹل فروغ اورترقی کے دورسے گذررہاہے ، سنگاپورمیں جاری فنٹیک فیسٹول میں وزیراعظم کاخطاب

وزیراعظم نے سنگاپورمیں جاری فنٹیک فیسٹول میں خطاب کرتے ہوئے کہاہے کہ یہ ہندوستان پر چھاجانے والے مالیاتی انقلاب اور ہندوستان کے 1.3 ارب عوام کی زندگی میں بہتر تبدیلیوں کا اعتراف ہے۔ہندوستان اور سنگاپور ہندوستانی اور آسیان ملکوں کے چھوٹے اور اوسط درجے کے کاروباری اداروں کوایک ...

سنگاپور کے وزیراعظم لی سین لونگ سے وزیراعظم نریندر مودی کی ملاقات

وزیر اعظم نریندر مودی نے بدھ کو سنگاپور کے وزیراعظم لی سین لونگ سے ملاقات کی۔ دونوں رہنماؤں نے مالیاتی ٹیکنالوجی میں تال میل اور علاقائی اقتصادی اتحاد سمیت کئی مسائل پر بات چیت کی۔ مودی نے فنٹیس فیسٹیول سے خطاب کر کے بدھ کو دو روزہ سنگاپوردورہ کا آغاز کیا ۔یہ فیسٹیول مالیاتی ...